Kampioni i Formula 1, Lewis Hamilton, me COVID-19

Kampioni botëror i garave Formula 1, Lewis Hamilton ka rezultuar pozitiv me COVID-19 dhe do të mungojë në garën Sakhir Grand Prix në Bahrein këtë fundjavë, ka njoftuar sot ekipi i tij.

Hamilton është testuar tri herë javën e kaluar dhe ka dalë negativ secilën herë, për herë të fundit më 29 nëntor.

“Mirëpo ai është zgjuar të hënën e 30 dhjetorit me simptoma të lehta dhe është informuar në të njëjtën kohë se një kontakt i tij ka rezultar pozitiv, para arritjes në Bahrein,” theksuan nga ekipi i tij.

“Prandaj Lewis është testuar edhe një herë dhe ka dalë pozitiv. Kjo gjë është konfirmuar pas ritestimit”.

Hamilton, 35-vjeçar, është në izolim, raporton RFE, bazuar në protokollet shëndetësore në Bahrein.

“Përveç simptomave të lehta, ai është në gjendje të mirë dhe i gjithë ekipi i tij i ka dëshiruar ekip të shpejtë”, është thënë në njoftim.

Ndryshe, Lewis Hamilton tashmë ka siguruar një titull të shtatë botëror, njëherësh rekord në garën me makina.