Rrëfimi i gazetarit: Si më vaksinuan me “Sputnik V”

Nga mesi i muajit dhjetor në Rusi do të filloj imunizimi masiv me vaksinën Sputnik V, prodhim i Institutit Gamalea. Korrespodenti i DW në Moskë, Sergej Satanovski e ka marrë tashmë vaksinën dhe rrëfen përvojën e tij.

Bëhuni vullnetar në hulumtimin e vaksinës  kundër COVID-19, kështu kërkonin në internet pjesëmarrës  në testim. Në muajin shtator për vaksinën dihej shumë pak, e numri i të infektuarve  në Rusi nuk ishte alarmant. Në nëntor ndryshoi, numri i të inektuarve u rrit dukshëm.

Vendosa të rrezikoj dhe të marrë vaksinën. Më bindi vuajtja e miqëve që u sëmurën rëndë dhe ishin futur në karantinë.

Mu deshtë të plotësoj një formular në faqen zyrtare të Bashkisë së Moskës. Ndër të tjera, në formular shtroheshin pyetje nëse isha i prekur me koronavirus, nëse kam sëmundje kronike. Sipas Entit për Shëndetësi, njerëzit që kanë qenë të infektuar, nuk duhet të vaksinohen këtë vit. Pas një jave më ra telefoni dhe më ofruan të përzgjedh klinikën ku do të testohem.

Përgatitjet

Shkova në spitalin moskovit Shadkeviç. Atje mora vesh se drejtor i spitalit ishte mjeku i njohur Aleksandar Mjasnikov. Ai është mik i moderatorit në televizionin publik, Vladimir Solovjev që konsiderohet dhe pjesë e makinerisë propogandistike ruse. Në fillim ai kishte thënë se mundësia për tu prekur rusët nga koronavirusi është zero.

Për një moment nuk doja të vaksinohem më, por ishte vonë të heqë dorë. Në prag të kontrollit mjekësor, doktoresha më pyeti nëse kam marrë ndonjë ilaç, a kam alergji, ose nëse kam pasur ndërhyrje kirurgjike. Mu desht të thërras prindërit ti  pyes se çfarë ndërhyrje kirurgjike kisha në moshën 5 vjeçare.

Gjatë kohës që po bisedoja mu dhanë 16 faqe material i cili mu sqarua me gojë. Aty shkruan që qëllimi i studimit që të shqyrtoj efektin dhe sigurinë e vaksinës Gam-COVID-Vac e njohur si Sputnik V.  Në fazën fillestare vaksina është hulumtuar në kafshë ku është konfirmuar efikasiteti dhe siguria, e tek vullnetarët aktual vetëm siguria.

Në hulumtim kanë marrë pjesë 40.000 njerëz 30.000 prej të cilëve do të marrin vaksinën, e 10.000 placebo. Tre javë pas vaksinës, pjesëmarrësit duhet të vijnë në spital që të marrin komponentin e dytë të vaksinës. Në aplikimin “Check Covid-19“ duhet të mbajnë ditarin për gjendjen. Këto ishin detyrimet e mia.

Doktoresha më propozoj të marrë pjesë edhe në hulumtimin shtesë. Hulumtimi i parë nuk përfshinte analizën e gjakut në antitrupa. Për hulumtimin shtesë, shteti paguan pjesëmarrësit me 8.500 rubla ose rreth 93 euro. Merren 95 mililitra gjak. Pranova. 

Sigurimi i jetës

Doktoresha më sqaroi se gjatë kohës së pjesëmarrjes në testimin e vaksinën do të më sigurohet jeta ndonëse pjesëmarrja është plotësisht e sigurt. Në sigurimin e jetës shkruan se në rast të vdekjes trashëgimtarët ligjor, në rastin tim janë prindërit, do të marrin dy milionë rubla (rreth 22.000 euro). Në rast të dëmtimit serioz të shëndetit ose invaliditetit do të paguhen prej 500.000 deri 1.5 milionë rubla.

Firmosa dhe shkova në kontroll. Më testuan për sidën, hepatitin C dhe B, në koronavirus. Analizuan ilaçet e mbetura në urinë. Asgjë nuk gjetën dhe kështu u bëra pjesëmarrës.

Të gjitha kontrollet ishin të vlefshme shtatë ditë, dhe pikërisht në ditën e shtatë erdha në vaksinim. Në derën e klinikës ishte vendosur në lajmërim: “Hyni në vaksinim kundër koronavirusi”.

Në orën 10:00 ishim unë dhe një grua rreth tridhjetave. U paraqita dhe shkova të jap gjakun për antitrupa. Më pas shkova në një hapësirë ku ishin një tavolinë, dy karrige dhe frigorifer rus Pozis. Secili prej tyre kushton rreth 150.000 rubla, rreth 1.600 euro. Aty ishin depozituar vaksinat në minus 28 gradë Celsius.

Mjeku më dha një injeksion pa dhimbje në krahun e majtë. Më pas, më lanë gjysmë orë në një dhomë për qetësim. Më thanë se tek disa pacientë pas vaksinimit u bie tensioni, por tek unë ishte gjithçka normale.

Mora vërtetimin për pjesëmarrje dhe mund të ikja në shtëpi. Më thanë se mund të kem rritje të temperaturës dhe në këtë rast duhet të marrë paracetamol. Përveç kësaj, në tre muajt e ardhshëm të mos planifikoj fëmijë, pasi që ndikimi i vaksinës në spermë nuk është studiuar.

Temperaturë dhe ethe

Vetëm pas vaksinimit e lexova se si pjesëmarrësit tjerë kanë reaguar në vaksinë. Në mesin e tyre gazetarë dhe anëtarë të grupit “Rezultatet e vaksinës” në rrjetin social Telegram ku janë 1.800 anëtarë. Disa pjesëmarrës ankoheshin në temperaturë të lartë dhe ethe që kanë marrë natën që janë vaksinuar ose të nesërmen.

Në orën 19:00 kur dola nga puna, filloi dhimbja e kokës, ethet dhe marramendje. Nuk e përjashtova mundësinë e autosugjestionit sepse lexova se simptome kishin njerëzit që në vend të vaksinës morën placebo.

Por nga darka nuk kishte më dyshime se bëhet fjalë për reagimin e trupit në vaksinë, sepse temperatura më shkoi 38.6 gradë Celsius. Dhimbjet në muskuj u sforcuan pas ushtrimeve të fundit me joga.

Ishin shqetësime por isha i lumtur se gjithsesi kisha marrë vaksinën e vërtetë dhe jo placebo. Mora paracetamol, i shkrova simptomat në ditarin dixhital dhe shkova për të fjetë gjumë. Të nesërmen temperatura ra në 37 gradë, dhe një ditë më pas veprimet e padëshiruara u zhdukën. 

Për tre javë do të marrë edhe një injeksion me komponentin shtesë të vaksinës dhe përafërsisht 42 ditë pas vaksinës së parë trupi im duhet të prodhoj antitrupa. A do të jetë e suksesshme vaksina për tu mbrojtur  nga koronavirus, mbetet për tu parë.