8 Dhjetori/ Zotimi, Basha: Ta bëjmë realitet, Shqipërinë si gjithë Europa!
E duam Shqipërinë si gjithë Europa! Me këtë thirrje të studentëve që kapërcenin barrierat policore dhe dhunën e regjimit 30 vjet më parë, sot e fillon mesazhin e urimit Kryetari i Partisë Demokratike, Lulzim Basha, duke u zotuar në këtë përvjetor të Lëvizjes së Dhjetorit për ta bërë realitet Shqipërinë si gjithë Europa!
“30 vjet më parë, heronjtë e rinisë shqiptare ndryshuan përgjithmonë fatin e Shqipërisë. Ata luftuan për liri, për demokraci, për të drejtat e njeriut – dhe fituan,” thekson Lulzim Basha në urimin e tij përmes rrjetit social Facebook duke përfunduar:
“Në 30 vjetorin e lëvizjes së dhjetorit le t’i nderojmë ata me zotimin për të bërë realitet Shqipërinë si gjithë Europa!”
Mesazhi:
E duam Shqipërinë si gjithë Europa!
Kjo ishte thirrja e tyre, teksa kapërcenin barrierat policore dhe dhunën e regjimit. E duam Shqipërinë si gjithë Europa!
30 vjet më parë, heronjtë e rinisë shqiptare ndryshuan përgjithmonë fatin e Shqipërisë. Ata luftuan për liri, për demokraci, për të drejtat e njeriut – dhe fituan.
Në 30 vjetorin e lëvizjes së dhjetorit le t’i nderojmë ata me zotimin për të bërë realitet Shqipërinë si gjithë Europa!
