Vrasja e 25-vjeçarit, protesta para ministrisë: Sandër Lleshaj të jap dorëheqje!

Shumë të rinjë i janë përgjigjur thirrjes së shoqërisë civile për të protestuar para Ministrisë së Brendshme dhe për të kërkuar dorëheqjen e ministrit Sandër Lleshaj pas vrasjes së 25-vjeçarit, Klodian Rasha nga një polic, pasi kishte thyer orën policore dhe nuk iu bind urdhrit për të ndaluar.

Mes trumës dëgjohen thirrjet “Drejtësi për Klodianin”, “Unë jam Klodiani”, si dhe thirrje që ministri Lleshaj të dorëhiqet: “Jepe dorëheqjen”, “Poshtë komunizmi” janë thirrje e protestuesve të cilët nuk u ndaluan as nga amasat anticovid që ka ndërmarrë qeveria e Edi Ramës.

“S’ka zot që na ndalon sot, le të na vrasin,” tha njëri prej tyre ndërsa tjetroi shtoi:

“Turp për një shtet, turpi ju mbuloftë! Ne jemi shtet i sapondërtuar demokratik, por kjo s’është demokraci funksionale, është demokraci fallco, poshtë diktatura!”

Të rinjtë më pas kanë ndezur qirinj përpara ministrisë së Brendshme dhe në çast situata para Ministrisë së Brendshme u tensionua dhe filloi dhe përplasja në mes të protestuesve dhe efektivëve të Policisë.

Për një moment të pranishmit në protestë thyenë gardhin metalik dhe u drejtuan tek godina e ministrisë, teksa kanë hedhur edhe hurma në drejtim të saj.

Policët kanë ndërhyrë për t’i larguar dhe gjatë përplasjes ngelën të plagosur disa protestues dhe një polic.

Protestuesit vijojnë të kërkojnë dorëheqjen e ministrit Sandër Lleshaj si dhe dënimin me burg për drejtuesit e Policisë lidhur me vrasjen e djeshme të të riut Klodian Rasha nga një efektiv policie.

Me shtimin e forcave të mëdha policore para ministrisë, një grup i protestuesve filloi zhvendosjen në drejtim të Kryeministrisë dhe një grup tjetë vazhdoi të qëndroi para Ministrisë për të vazhduar protestën duke kërkuar dorëheqjen e ministrit të Brendshëm.