Dita e pestë, policia nuk do protesta paqësore. Gaz lotsjellës, dhunë dhe shoqërime…
Sot në ditën e saj të pestë, protesta kundër vrasjes së 25-vjeçarit Klodian Rasha nga policia filloi nga Sheshi Skënderbej. Terrori shtetëror kishte arritur të shoqëroj shumë persona gjatë natës së katërt të protestës por jo edhe ta shuaj atë, siç trumbetonin mediat në shërbim të regjimit.
Sot protestuesit ndryshuan dhe strategji, që nxori zbuluar edhe regjimin e Edi Ramës i cili akuzoi protestuesit për dhunë. Edhe protesta e sotme paqësore pati për përgjigje gazin lotsjellës, ujin me presion, shkopin e gomës dhe shoqërimet e protestuesve edhe kur ata po ktheheshin në shtëpi. Arrestimi i minorenëve më nuk po konsiderohet shqetësim, pasi është e qartë se ky regjim nuk çanë kokën për ligjin, madje prangosja e minorenëve sot u lejua të filmohet me krenari nga Policia e Shtetit.
Largimi i Drejtorit të Përgjithshëm të Policisë së Shtetit, Ardi Veliu, dhe nisja e një reformë në forcat e rendit, si dy kërkesta kryesore të protestës, është e qartë se nuk mund të jenë asrye për përdorimin e dhunës, por sjellja e efektivëse të policisë sonte tregoi se policia e Ish-Gjeneral Sandër Lleshajt dhe Edi Ramës nuk do protesta paqësore.
Përkundër numrit të vogël të protestuesve dhe një porteste shumë paqësore, policia u kërkoi protestuesve që të shpërndahen pasi sipas tyre nuk lejohen tubimet në kushtet e pandemisë.
Protestuesit refuzuan kërkesën e policisë, u dëgjuan disa kapsolla por konfrontime nuk pati dhe protestuesit filluan marshimin drejt Bulevardit “Dëshmorët e Kombit” ku filluan të bashkohen një numër i konsiderueshëm i qytetarëve, dhe protesta tashmë paqësore në ditën e saj të pestë mori formë para Kryeministrisë.
Protesta u zhvendos nga Sheshin Skënderbej tek kryeministria, aty ku protestuesit kërkuar lirimin e protestuesve të ndaluar si dhe largimin e Drejtorit të Përgjithshëm të Policisë së Shtetit, Ardi Veliu.
Të rinjtë u shtrinë përpara kryeministrisë duke simbolizuar politikën represive të regjimit, por edhe përkundër protestës ndryshe mbrëmjen e sotme, pa dhunë dhe incidente, policia përsëriti kërkesën për shpërndarjen e tubimit pasi, sipas tyre, është në shkelje të ligjit për shkak të pandemisë.
Askush nga protestuesit nuk mendoi se edhe kjo lloj proteste mund të përfundoi me dhunë, por ja që ndodhi para Drejtorisë së Policisë. Protestuesit kishin ndryshuar strategji por jo edhe policia.
Shumë shpejtë policia e vendosur para Drejtorisë së Policisë së bashku me autobotin për hedhjen e ujit me presion dëshmuan se nuk janë të interesuar për paqe madje dhuna shpërtheu edhe pas gjestit simbolik të shtrirjes në rrugë me duart mbi kokë të protestuesve.
Gazi lostjellës dhe uji me presion si përgjigje e këtij gjesit revoltoi protestuesit që filluan të hedhin gurë, u thyen ca semafor dhe reklama bashkiake përreth ndërsa policia e regjimit bëri atë që din më së miri, dhunoi të rinjët dhe shumë minorenë ashtu siç veproi në katër ditët e kaluara të protestës.
Kjo revoltë e të rinjëve, gjuajtja me gurë dhe shkatërrimi i pronës publike përfundoi me shoqërime të protestuesve dhe kalimtarëve të rastit që ranë prej e e policëve të Ish-Gjeneral Lleshajt që edhe sonte dëshmuan se nuk kanë nevojë për pajisje anti-protestë por për psikolog pasi shumica e efektivëve të njësiteve speciale treguan çregullime të theksuar mendore, në veçanti me sjelljet e tyre tek Drejtoria e Policisë Tiranë ku edhe minorenët u trajtuan si kavje.
Rigrupimi i protestuesve tek sheshi ”Skënderbej” dështoi pasi policia i priti me gaz lotsjellës dhe pëprjekjet për të larguar gardhin metalik përfunduan me përplasje të dhunshme.
Madje Policia edhe në sheshin ”Skënderbej” filloi shoqërimet e disa të rinjve që nuk iu bindën urdhërit për t’u shpërndarë. Kjo bëri që të ketë tensione, goditje me sende të forta ndaj policëve teksa këta të fundit me gaz lotsjellës shpërndanë protestuesit e fundit që kishin mbetur.
Ndonëse ishte e qartë se protesta mori fund për sonte, të gjithë ata të rinjë që morën rrugën e kthimit për në shtëpi nga Zogu i Zi u përballën me një të papritur.
Policia u vu në ndjekje të gjithë ata që kishin fatin të jenë të rinjë dhe të kalojnë nga sheshi ”Zogu i Zi” që nga forca të mëdha policore presupozohej se ishin të rinjë që po ktheheshin nga marshimi në sheshin ”Skënderbej” ndonëse lëvizjet e tyre në grupe të vogëla ishin të çrregulta.
