Qëllimi kryesor: Largimi i Ramës, Basha: Më 25 Prill, policia do iu kthehet qytetarëve!

Më meritori për lëvizjen e shqiptarëve pa viza në Zonën Shengen 10 vjet më parë, sot Kryetar i Partisë Demokratike, Lulzim Basha, bëri një tjetër premtim: Anëtarësimin e Shqipërisë në BE.

Sot, largimi i Edi Ramës është qëllimi kryesor, tha Lulzim Basha, ndërsa abuzimet me fondet e rindërtimit, policinë dhe pandeminë të Kryeministrit tha se do të marrin fund më 25 Prill.

“Para 10 vitesh mori fund makthi i stërgjatur i familjeve në radhë për të marrë një vizë, vite e dekada të prindërve pa vizituar fëmijët e tyre në të 4 anët e globit. Sot 10 vite më parë Shqipëria arriti stacionin e lëvizjes së lirë, të dinjitetit për të lëvizur vetëm me pasaportë shqiptare në Shengen. 10 vite më parë ne realizuam një ëndërr. Ia vlen ta kujtojmë se kur nisëm punën shumica nuk e besonte se ajo ditë do të vinte. Një komb i rraskapitur në dyert e ambasadave, një mur i lartë njësoj si ai i Berlinit i ngritur në mes të famljeve të shumicës dërrmuse të shqiptarëve. Ishtë proces i vështirë i ndërlikuar, por ne ia dolëm ta bënim realitet lëvizjen e lirë.

Delegacioni i BE ka përmbledhur disa momente të veçanta të 15 dhjetorit 2010. U përmbushën 150 kushte, bashkëpunim i jashtëzakonshëm me BE, Europolin, policitë e tjera dhe policinë shqiptare. Pata nderin të shoqëroj grupin e parë të shqiptarët që lëvizën pa viza. Ia vlen ta kujtojmë e tregomjë çfarë mund të arrijmë ne bashkë kur kemi vizionin e qëllimin e duhur, ishin 150 kushte por ia dolëm t’i realizojmë në më pak se 2 vite, modernizuam kontrollin në kufi, dhamë garanci se heqja e vizave nuk do çonte në fluks azilkërkuesish, nuk i kalonte 430 individë numri i azilkërkuesve. Kjo ishte dëshmi e forcës së kombit tonë me lidership të duhur, të përkushtuar ndaj njerëzve, qeveri që punon për njerëzit, jo peng i një grushti kriminelësh apo oligarkësh që i ushqen me buxhetin e shtetit në kurriz të qindra mijëra shqiptarëve,” tha Lulzim Basha duke shtuar:

“Jam krenar që kam bërë detyrën time, e kam provuar bashkë me ekipin qeverisës që asgjë s’na ndal për të arritur qëllimet më të mira nëse kemi prioritetet e duhura, nëse prioritet janë njerëzit, jo vetëvetja. Siç kemi punuar për të hequr vizat që askush nuk e besonte, kështu me një bashkim të ri të shqiptarëve do bëjmë të mundur edhe një hap tjetër të rëndësishëm siç është anëtarsimi i Shqipërisë në BE. Sot në këtë ditë të errët për vendin thirrja ime për shqiptarët është kini besim! I kemi mundur vështiriësitë dhe bashkë di ia dalim sërish.”

Duke ju përgjigjur akuzave të Kryeministrit Edi Rama, Kryetari i PD tha se dënonte dhunën e policië në protestat e organizuara pas vrasjes së 25-vjeçarit Klodian Rasha nga policia ndërsa për cilësimin e Ramës si “lider pa karakter që hesht si semafor i fikur”, Basha u shpreh:

“Edi Rama është pengu i dhunës kriminale të shkaktuar nga aleanca e tij me oligarkët dhe krimin. Ai është personifikimi i dhunës, i shkatërrimit të shtëpive të shqiptarëve, pengu i oligarkëve që i nxori njerëzit me gaz nga shtëpitë, ju rrahu nënat fëmijëve te zgjatimi i Bulevardit, shkoi në arrestime dhe rrahjen e grave te Unaza e Re, dhuna tek teatri apo dhuna ndaj të miturve në protestë që iu shkatërroi shpresën. Unë e kam dënuar dhunën e Ramës dhe shtetit policor që ka ngritur dhe që beson se do zgjasë pushtetin e tij të dhunës,” tha ai duke dshtuar:

“Dje kam kërkuar hetimin e dhunës së Ardi Veliut e një grushti horrash që e bëjnë me turp policinë e shtetit, janë edhe policët prindër me fëmijë, po ju plas shpirti se edhe ata kanë fëmijë, mezi po presin ndryhimin ai është antimorali është e keqja që e largojmë me 25 prill.”

I pyetur për paralelizimin e Edi Ramës të rastit të Klodian Rashës me 21 janarin lideri i opozitës shtoi:

“Të gjitha institucionet ndërkombëtare treguan se policia iu ushtrua dhunës, se vrasja ndodhi si pasojë e veprimit të Gardës, shumë prej tyre u përballën me ligjin dhe u dënuan. E vërteta nuk është kaq, Ramanuk tregon se atë që ishte në grupin e zjarrit e bëri drejtor OSHE, kryetar PS dhe sot një nga njerëzit që me grupin e tij terrorizon Matin. Kurrë s’duhet të ishte graduar në atë detyrë.”

25 prilli, tha Basha, do i japë fund kësaj të keqeje, e për largimin e Edi Ramë, e vetmja shpresë është bashkimi me opozitën,

“Të nisin urgjentisht paketën e ndihmës, së pari për shëndetësinë në gjithë zinxhirin e parë, kemi 6 muaj që bëjmë thirrje, sot hapet Elbasani, a ka mjekë ai spital, si do të hapet? Ka 6 muaj që bëjmë thirrje për rritje testesh, mjekët janë të shterruar, njerëzit nuk dinë nga t’ja mbajmë, ekspertët janë bërë saldatorë për furnizim me oksigjen, listat në farmaci janë më të gjata se ato për ushqime. 25 prilli do i japë fund kësaj të keqeje, deri atëherë të ushtrojmë presion maksimal që paratë tuaja të shkojnë në prioritetet kryesore, për shëndetësinë, për rimbursim të të sëmurëve. Nuk mund të kërkojmë shërbim nga mjekët nëse sistemi i kalbëzuar dhe babëzisë së Ramës po i zë brenda. Të kërkojmë që familjeve t’ju jepet një pakëtë prej 160 mijë lekësh në muaj, të kërkojmë që sipërmarrja që po mbytet të mbështetet,” tha ai duke shtuar se largimi i Edi Ramës nga pushteti është bërë një aspiratë mbarëkombëtare:

“Deri te 25 prilli ka mjaftueshëm kohë për të na bërë të gjithëve bashë dhe realizimin e asaj që doni: Largimin e Edi Ramë, e vetmja shpresë është bashkimi me opozitën, me mua. Është e mundur! Fuqinë e keni ju, votën e keni ju, s’do ketë forcë për të arritur aspiratën mbarkëombëtare: Largimin e Edi Ramës.”

Një ditë më shumë se 25 Prilli me Edi Ramën, harrojeni integrimin!

Ndryshe, nëse Edi Rama qëndron një ditë më shumë se 25 prilli, tha Basha, do të rrezikohet edhe lëvizja e lirë e shqiptarëve, e integrimin harrojeni.

“3 ditë rrugëve të Nju Jork në dyqanet më luksoze dhe nuk gjeti një minutë kohë për të ngushëlluar familjen e Klodian Rashës, ndërsa tani kthehet ditë për ditë te vendi i krimit. Një ditë më shumë se 25 prilli të qëndrojë, do të rrezikojë edhe lëvizja e lirë e shqiptarëve, harrojeni më integrimit. Gjuha e tij e urrejtjes nxit reagimet më negative te shqiptarët. Asnjë ndjeshmëri për vrasjen e të riut. Tre ditë heshtje, sepse mendoi se do ta manipulonte edhe këtë ngjarje. Komunikatat e policisë për dy ditë u munduan të fajësonin viktimën. Dhe Edi Rama do vazhdonte të heshtte. Ai është gati të shesë këdo për të shpëtuar lëkurën e tij, ndaj e shiti Sandër Lleshajn. Jo se reflektoi. Edhe po të shkojë 5 herë në ditë te familja e Rashës, thjesht iu tregon shqiptarëve sa i pandjeshëm është.”

Opozita fshihet pas protestave kundër vrasjes së 25-vjeçarit Klodian Rasha nga policia, tha Edi Rama, por kryedemokrati mendon se kjo është një përpjekje e tij për të përfshirë opozitën, ashtu siç tentoi të manipulojë ngjarjen, ndërsa kjo vrasje tha Basha ishte vetëm shkëndija, pasi rrënjët e kësaj revolte janë më të thella.

“Lus çdo shqiptar, se jemi rracë e mençur, të ndalet për një sekondë e të shohë. Tentuan të manipulojnë ngjarjen, dhunuan të rinjtë, dhe normal që do të përfshijnë edhe opozitën. Pa diskutim që vrasja, ekzekutimi i Klodian Rashës, ishin shkëndija, po rrënjën e kësaj revolte janë më të thella. Kur kapet me presh në duar, ndalon drejtësinë të bëjë drejtësi. Edhe për dosjen 339 këtë bëri, asnjë nga ministrat e tij, apo kriminelët në dosje, nuk është gjykuar. Nëse do të ishte një lider normal, duhet të reflektonte dhe të jepte një zgjidhje.

Edhe për protestën e studentëve nuk reflektoi, të vetmit që reflektuam ishim ne, opozita. Ne u larguam nga Parlamenti për zgjidhje, për zgjedhje, që ti vinte gishtin kokës. Por vazhdoi verbërisht në të njëjtën rrugë. Edhe tërmeti ishte një mundësi për të reflektuar, por e përdori për teatër dhe sot që flasim ka afera të tmerrshme të abuzimit me fondet për teatrin. Një grup pranë Edi Ramës po marrin paratë që duhet të shkonin për të rindërtuar. Erdhi pandemia, e gjithë bota u ngrit, i vetmi që nuk vuri buxhetin e shtetit në funksion ishte ky. Rama nuk i pranon, do thotë prapë që fajin e ka opozita.”

I pyetur se nëse vjen në pushtet, çfarë do të ndodhë me Policinë e Shtetit, Lulzim Basha ishte i prerë:

“Do iu kthehet qytetarëve, nuk do të përdoret për të ruajtur arat me kanabis, nuk do të dhunojë të rinjtë. Do të përbëhet nga njerëz profesionistë dhe jo nga militantë partie. Unë si kryeministër i ardhshëm, me një ndjeshmëri të shtuar, do ua heq nga qafa barrën e shefave mafiozë që i kanë tjetërsuar dhe përpiqen t’i përdorin si mish për top. Një polici që do të mbrojë qytetarët dhe ligjin, do të jetë pjesë e përpjekjes sonë për të futur Shqipërinë në BE. Brenda 6 muajve të parë në qeveri do të kemi një polici të standardeve si në Kosovë,” tha kryetari i Partisë Demokratike duke siguruar se koalicioni opozitar është bashkë dhe i pandarë me qëllimin e vetëm për të larguar Edi Ramën.

“Koalicioni opozitar është një dhe i pandarë, me një qëllim: për të larguar Edi Ramën, për t’i dhënë shqiptarëve të gjitha garancitë që do të largojmë Ramën dhe këtë regjim. Nuk do të ketë asnjë ditë më shumë ky që dhunoi shqiptarët, i zhyti në varfëri, iu shkatërroi vendet e punës. Atë që bëri për tetë vite me radhë, do vazhdojë ta bëjë më tej. Ne do të jemi bashkë me të gjithë shqiptarët, që kanë për qëllim largimin e Edi Ramës. Bashkë do t’i japim rrugën e normalitetit, pozitivitetit, një qeveri me fytyrë njerëzore, ku rritja ekonomike do jetë prioriteti kryesor. Ti japim fund qerthullit të negativitetit që ka emrin Edi Rama dhe nisjen e çlirimit të Shqipërisë,” tha Basha ndërkohë kishte përgjigje edhe për Edi Ramën i cili tha se edhe nëse 500 mijë shqiparë do e kërkojnë nga rruga shkarkimin e Drejtorit të Përgjithshëm të Policisë, Ardi Veliu, ai nuk do ta pranonte.

“Zoti e ruajt, sepse atë askush nuk e ruan, nëse në shesh dalin 500 mijë veta, e di mirë çfarë ndodh ai, por t’i thërrasë mendjes pasi jo 500 mijë, por 1 milion e 500 mijë do i dalin në shesh më 25 prill. Largimi i tij është fillimi i ndryshimit.”

Pandemia ka dalë tërësisht nga kontrolli, Edi Rama ka dështuar!

Në këtë dalje publike të Kryetarit të Partisë Demokratike, Lulzim Basha, e pashmangshme ishte pandemia. Ai akuzoi Kryeministrin Edi Rama se nuk ka zbatuar planin e propozuar nga PD, duke bërë që pandemia të dalë tërësisht nga kontrolli në vendin tonë.

“Sot kemi dëgjuar edhe njëherë avazin e 7 ditëve, prapë premtime boshe nga Edi Rama. Ai e ka futur ekonominë në krizën më të thellë të 30 viteve, ka premtuar se do të ulë koston e jetëve, por sot është në shifrat më të larta. 7 vite nuk ka bërë asgjë për të ndihmuar njerëzit, vetëm llafe bosh, shkatërrim, rrënim, dhunim të pronës publike, të familjeve, të vendeve të punës. Askush nuk e beson më Edi Ramën. Ky është thelbi i çdo revolte të shqiptarëve. Është lajm i tmerrshëm që bën cdo gjë për veten, por ka dhe një lajm të mirë, që s’do të ketë më shans ta bëjë këtë. Nëse do na e kishte vënë veshin, pandemia nuk do të kishte dalë tërësisht jashtë kontrollit, qindra qytetarë nuk do të vdisnin kot e mijëra të tjerë të infektuar.

Është e pamundur për familjet, të sëmurët, të marrin mbrapsht paratë që duhet të shpenzojnë për kurim, sepse është një labirinth. Sot kishit përpara njeriun e premtimeve bosh, që vazhdon të mohojë krizën. Përgjegjësia është vetëm e tij, sepse prej 7 vitesh Edi Rama është peng i një grushti oligarkësh, kriminelësh. Dhe ja ku kemi ardhur, te një qeveri që nuk është e popullit, por e një pakice, që është e vetmja sot që shton fitimet. 1.1 miliardë euro borxh do të jetë bilanci vetëm i këtij viti nga qeveria. Një shumë e paimagjinueshme. Edi Rama ka dështuar dhe këtë e ka kuptuar i madh e i vogël. Nuk ka mbajtur asnjë premtim dhe këtë e dinë të gjithë, madje dhe vetë ai. Ai ka vetëm një strategji, të hedhë fajin kudo tjetër, përveçse jo te vetja,” tha Basha ndërsa ka sqaruar se çfarë po bën vetë ai si lider i opozitës për t’i siguruar Shqipërisë vaksinën kundër COVID-19.

”Boll është boll, mjaft është mjaft. Kupa është mbushur, Nëse përmban një faktor është shpresa dhe besimi se më 25 prill do e largojmë Ramën. Asnjë familje shqiptare, as shoqëria se përballon dot më asnjë ditë  më shumë këtë kryeministër. Asnjë shqiptar nuk e përfytyron veten një ditë pas 25 prillit sërish me këtë regjim të dështuar.

Sot me të vërtetë shqiptarët janë të parët që largohen nga atdheu në Europë, jo sepse u hoqën vizat, por sepse Rama i hoqi shtetin e së drejtës, i shkatërroi ekonominë, vendet epunës, e dorëzoi në dorë të të një grushti njerëzish. Vetëm largimi i së keqes është hapi për shpresë.

Mjafton të shihni sa pak para ka rezervuar për pandemi dhe sa shumë ëpr oligarkët dhe PPP. Sa pak për pensionistë, dhe sa shumë për projekte që prokurohen me 5 apo 10 fishin e çmimit.

Dua t’ju them se dhe në këto ditë e deri në 25 prill do i japim fund sundimit të së keqes, përgjegjësia vijon të jetë e tija, shëndeti dhe jeta e shqiptarëve e gjendja e tyre ekonomikë. Pritshmëritë janë tek opozita, e ndjej, e shoh në sytë tuaja. Dua t’ju a them hapur dhe shkoqur, përgjegjësitë tona do i marrim një më një. E nisëm këtë duke e nisur se nuk e shohim vetëm sipërgjegjësinë tonë të denoncojmë. A ka familje që nuk e prek padrejtësinë, hipokrizinë, gënjeshtrën,” tha Kryetari i Partisë Demokratike, Lulzim Basha, duke përfunduar:

“Kur duhet të njoftojë paketë për 100 mijë kryefamiljarë të papunë, sulmon opozitën. Kur duhet të flasë për një bashkim të shqiptarëve, i përçan me gjuhë urrejtje. Dhunon të rinjtë, akoma pa filluar protesta. Dhe i mbyll gojën gazetarëve. Si një diktator i dëshpëruar për fundin e pashmangshëm. 8 vite i njëjti avaz, premtime boshe, kjo do të marrë fund.”