Komisioni Europian: Ja kur fillon vaksinimi kundër COVID-19 në shtetet e BE…

Presidentja e Komisionit Europian, Ursula von der Leyen ka bërë të ditur sot se vaksinimi kundër COVID-19 në shtetet anëtar të BE-së do të nisë më 27 dhjetor.

“Ky është momenti i Europës. Vaksinimi në të gjithë BE-në do të fillojë më 27, 28 29 dhjetor. Le të mbrojmë së bashku qytetarët tanë,” thekson Ursula von der Leyen përmes rrjetit social Twitter.

Ministri gjerman i Shëndetit, Jens Spahn, ishte shprehur më herët se Gjermania dhe shtetet tjera të BE shpresojnë të nisin vaksinimin më 27 dhjetor nëse miratimi do të ec sipas planit.

Ndërkaq, pas Emmanuel Macron edhe Presidenti i Këshillit Europian Charles Michel bëri të ditur se është izoluar, ndërkohë që të dy ishin takuar ditën e hënë.

Ndërkohë Papa Françesku ka kërkuar që grupet vulnerabël të kenë akses në vaksinat kundër COVID-19.

“Unë përsëris apelin për politikbërësit dhe sektorin privat që të marrin masat e duhura për të garantuar akses në vaksina kundër COVID-19 dhe teknologjitë thelbësore të nevojshme për të ndihmuar të sëmurët, më të varfrit dhe më të brishtët,” thuhet në mesazhin që Papa Françesku do të adresojë në ditën e 54-t Botërore të Paqes që festohet më 1 janar 2021.