Protesta për Teatrin/ Anagnosti: Po u prish, mëkat i madh

“Artistët, në shumicë dërrmuese, përjashto drejtorët dhe kandidatët për drejtorë, u shprehën kundër shembjes së dy teatrove kombëtare dhe kërkuan me vendosmëri anulimin e projekt-ligjit dhe fillimin e diskutimit për rikonstruksionin e dy teatrove kombëtare dhe ndërtimin e një teatri të ri diku tjetër.

Artistët nuk pranuan të diskutojnë përmbajtjen e projekt-ligjit, pasi e konsiderojnë atë të gabuar, jotransparent dhe të porositur nga interesa korruptive të biznesit privat”, thuhet në deklaratën e aktorëve dhe artistëve që kanë vijuar protestën edhe pasditen e së premtes.

Në këtë protestë ka marrë pjesë dhe aktorja e njohur Roza Anagnosit, dhe tha që është mëkat po të shembesh këtë teatër që kanë punuar me dhjetëra gra që sot janë ikona.

“Këtu është jeta, jonë. Të them që të prishet është një mëkat i madh. Ato figura të mrekullueshme gra që kanë luftuar për këtë teatër, por nuk janë përmendur”.

Ndërkohë në protestë ka qenë dhe aktori i madh, Mehdi Malkaj, i cili tregoi dhe një histori me një fëmijë i vogël që kërkonte që teatri të mos prishej.

“Një nënë mbante një fëmijë për dore dhe ai thoshte mos e prishni teatrin. Do ta lus atë nënën, se më tha që nuk e dëgjon njeri. I them nënës që të dalë diku dhe të thotë që kjo që thash unë është e vërtetë”, tha Malkaj.