“Shuhet” Gjykata Kushtetuese, deputetët gjermanë takim me kryetarin Dedja

Pas zhvillimeve të fundit në procesin e Vettingut, për Gjykatën Kushtetuese të Shqipërisë përfundimisht mund të thuhet se është shuar. Bllokimi i institucionit më të rëndësishëm të sistemit të drejtësisë ka bërë që përfaqësues të Bundestagut gjerman, deputetë të landeve dhe njëkohësisht nënkryetari i partisë së Merkel CDU, po zhvillojnë një takim në Gjykatën Kushtetuese.

Zhvillimet në Shqipëri, situata e reformës në drejtësi, dhe në këtë Gjykatë me mungesë gjyqtarësh, mësohet të kenë qenë tema të bisedimeve mes politikanëve gjermanë dhe kreut të Gjykatës Kushtetuese, Bashkim Dedja.

Deri më sot është vetëm Vitore Tusha nga Gjykata Kushtetuese që ka kaluar Vettingun, ndërkohë që nuk u konfirmuan nga Shkalla e Parë dy prej tyre. Tashmë presin Vetingun nga kjo gjykatë edhe gjyqtarët Bashkim Dedja, Gani Dizdari dhe Fatmir Hoxha. Ky i fundit është futur në orarin e Komisionit të Pavarur të Kualifikimit, për 7 maj në orën 11.00.

Deri sa Altina Xhoxhaj u shkarkua nga Komisioni i Pavarur i Kualfikimit, Fatjona Memçaj u konfirmua në detyrë, cila pasi kaloi filtrat e trefishtë të Vettingut.

Të shkarkuar nga Vettingu

1.Fatos Lulo , gjyqtar i Gjykatës Kushtetuese

2.Altina Xhoxhaj, gjyqtare i Gjykatës Kushtetuese

3.Besim Trezhnjeva, gjyqtar i Gjykatës Apelit

4.Besa Nikehasani, prokurore e Apelit

Të konfirmuar në detyrë

1.Vitore Tusha, gjyqtare e Gjykatës Kushtetuese

2.Fatjona Memçaj, prokurore e Apelit