Me 14 Shkurt, Albin Kurti: Festën e zemrës e bëjmë edhe kremte të demokracisë!

Pas shtatë muajve na u dëshmua ajo që dihej nga fillimi. Zgjedhja e qeverisë koti ka qenë kot, thekson Kryetari i Lëvizjes Vetëvendosje, Albin Kurti, pas publikimit të Aktgjykimit të Gjykatës Kushtetuese ku Qeveria Hoti rezulton e paligjshme, antikushtetuese.

“Kemi humbur shumë vite, jo vetëm muaj. Këto zgjedhje nuk janë të parakohshme por të vonuara. Mirëpo, këto zgjedhje janë referendum.”

Me 14 shkurt, thekson Ish-Kryeministri i Kosovës në reagimin e tij përmes rrjetit social Facebook, politika e keqe ndodhet para gjyqit popullor.

“Punë e arsim, drejtësi e shëndetësi. Kaq duan qytetarët. Qeveria jonë e re do të jetë shërbim i mirë. Sepse qytetari është mbreti i republikës,” shprehet Kryetari i Lëvizjes Vetëvendosje, Albin Kurti, duke përfunduar:

“Me 14 shkurt, festën e zemrës e bëjmë edhe kremte të demokracisë.”