Përgjigje Bashës, Edi Rama: nën ujë janë Saliu, Iliri, Luli dhe Mona!

Pasi dy orët e Kryeministrit Edi Rama me ministrat përkatës për ta bindur opinonin publik se sa mirë e kishte menaxhuar situatën me përmbytjet edhe pse kishte më shumë reshje se kurrë më parë, Kryetari i Partisë Demokratike i cilësoi propagandë dhe mashtrim ndërsa akuzoi Ramën se nuk po i ofron ndihmë banorëve të prekur nga përmbytjet, që vazhdojnë të jenë mes ujit dhe pa ushqim ka reaguar Kryeministri i bindur se nën ujë janë vetëm Saliu, Iliri, Luli dhe Mona!:

“Qindramijëra njerëz nën ujë edhe sot” sipas LB! Në fakt nën ujë janë Saliu, Iliri, Luli dhe Mona që duan ta bëjnë komerdare edhe tërmetin, edhe virusin, edhe shiun, edhe borën, madje edhe Nusretin bashkë me Tiren, i duan për komerdare! Po halli është që s’i pret kush matan,” thekson Edi Rama në reagimin e tij përmes rrjetit social Twitter.

Gjithsesi, shtëpitë e mijëra shqiptarëve janë nën ujë pavarësisht se Kryeministri Edi Rama sheh vetëm Saliun, Ilirin, Lulin dhe Monën.