Mes akullit dhe dëborës, Zall-Dardha drejt izolimit të plotë, apel për ndihmë

Mes akullit dhe dëborës, banorët e Njësisë Administrative Zall-Dardhë në Bashkinë e Dibrës, prej ditësh janë pa ujë të pijshëm. Me uljen e ndjeshme të temperaturave, rrjeti i ujësjellësit nuk ka funksionuar, duke bërë që banorët të mos kenë ujë në çezmat e tyre.

Besim Hoxha, banorë i fshatit Lashkizë, thotë se ka njoftuar të gjitha autoritetet vendore dhe ato qëndrore, por asnjë masë nuk është marrë deri tani.

Situatë problematike paraqitet edhe me rrugët e fshatrave të kësaj njësie administrative, raporton BW, pasi ka prezencë të madhe të akullit kudo dhe të dëborës, që shkon deri në rreth 20 cm.

Banorët e Zall-Dardhës apelojnë për ndihmë, pasi po shkojnë drejt izolimit të plotë.