Fshesa Biden, shkarkohen e krerët e transmetuesve të financuar nga Qeveria amerikane
Drejtorët e transmetuesve ndërkombëtarë të financuar nga Qeveria amerikane, ndonëse i shërbyen verbërisht kandidatit demokrat për President, Joe Biden, janë shkarkuar në orët e vona të 22 janarit, nga ushtruesja e detyrës së drejtorit të Agjencisë Amerikane për Media Globale, USAGM, Kelu Chao, vetëm pse ishin emëruar në kohën kur President ishte Donald Trump.
Zyrtarë të afërt me këto ndryshime, raporton RFE, kanë thënë se ushtruesja e detyrës së drejtorit të USAGM, Kelu Chao, ka shkarkuar presidentin e Radios Evropa e Lirë, Ted Lipien, bashkë me drejtorët e Radios Azia e Lirë dhe Rrjetet e transmetimit të Lindjes së Mesme, një muaj pasi ata janë emëruar në këto pozita.
Ndryshimet kanë ardhur një ditë pasi Chao ka shkarkuar drejtorin e Zërit të Amerikës dhe zëvendësin e tij, ndërkohë që udhëheqësi i Transmetuesit në Kubë, ka dhënë dorëheqje.
Zëri i Amerikës dhe transmetuesi në Kubë janë agjenci federale të Shteteve të Bashkuara. Radio Evropa e Lirë, Radio Azia e Lirë dhe Rrjetet e Transmetimit për Lindje të Mesme, janë agjenci private, që financohen nga taksapaguesit amerikanë përmes Kongresit.
Shkarkimet kanë ardhur pas dorëheqjes së kërkuar të Michael Packut nga pozita e kreut të USAGM, disa orë pasi Joe Biden është betuar si president i Shteteve të Bashkuara.
I përzgjedhur i ish-presidentit amerikan Donald Trump, është kritikuar nga demokratët dhe republikanët për politikat dhe emërimet që ka bërë prej kur i është konfirmuar pozita nga ligjvënësit amerikanë në qershor të vitit të kaluar, por transmetuesit e financiar nga Qeveria amerikane për asnjë ditë nuk kan♪7 raportuar qoftë edhe një laj normal për Presidentin Donald Trump.
Sidoqoft, raportimet e këtyre transmetuesve gjatë kohës sa President ishte Donald Trump, do të shërbejnë për leksionet e gazetarisë amerikane se si nuk duhet të shpërfillet Presidenti i SHBA; Ndërkohë pse u harruan Presidentët e Kinës dhe Rusisë në raportimet e këtyre transmetusve që po vepronin hapur kundër çdo interesi amerikan nuk është risi, politika e tillë editoriale ka vepruar që nga momenti kur Barack Obama shkeli në Shtëpinë e Bardhë!
