Rama paralajmëron opozitën pas deklaratave për Tahirin/ Do të pasojnë arrestime të tjera

Kryeministri Edi Rama ka reaguar përmes një komenti në rrjetet sociale lidhur me deklaratat e Partisë Demokratike, pas dorëzimit të mandatit nga Saimir Tahiri. Rama shkruan “ç’është kjo opozitë pikë e vrer pas largimit të ST?”. Në një tjetër koment në rrjet ai paralajmëron arrestime të tjera, jo se i kërkon Bota apo Gjermania, po sepse qeveria bën atë që thotë.

“Ç’është kjo opozitë pikë e vrer pas largimit të ST e arrestimit të kokave të trafikut të kokainës në Gjermani&Spanjë falë bashkëpunimit tonë ndërkombëtar? Sa gjynah më vjen për ata që ende u besojnë këtyre vulëhumburve pa atdhe. Po duan s’duan këta Shqipërinë do ta bëjmë.

Dhe nuk ka mbaruar jo, të tjera do pasojnë në javët që vijnë e jo se e kërkon Gjermania a bota,po se ne themi atë që bëjmë e bëjmë atë që themi! E jemi ne e askush tjetër që mund ta kalojë detin që ndan të thënat nga të bërat, sado baltë të na hedhin dhe zjarre marazi të ndezin”, shkruan Rama.