Parashikimi i motit për datë 26 Janar, ja çfarë pritet

Parashikimi i motit për datë 26 Janar:

Sot priten reshje intensive në qarqet Shkodër Kukës, Dibër, Lezhë, Tiranë, Elbasan dhe Gjirokastër por lokalisht shumë intensive në qarqet Shkodër, Kukës, Dibër, Tiranë dhe Elbasan.

Ndërsa në pjesën tjetër të qarqeve priten reshje mesatare por lokalisht intensive në qarqet Durrës, Korçë dhe Vlorë. Reshjet pritet të jenë të shoqëruara dhe me shtrëngata.

Në veri, verilindje dhe juglindje të vendit, sot reshjet priten të jenë edhe në formë dëbore në lartësitë më të mëdha se 300m mbi nivelin e detit.

Sipas llogaritjeve të IGJEUM, si pasojë e reshjeve intensive, sot pritet rritje e prurjeve dhe niveleve në Lumenjtë DrinBuna, Liqenin e Shkodrës dhe Lumin Vjosa. Në pjesët e sipërme të këtyre baseneve lumorë, mund të ketë vërshime të shpejta të lumenjve më të vegjël. Në Liqenin e Shkodrës dhe pjesët e poshtme të lumenjve Buna dhe Vjosa mund të shfaqen përmbytje lumore të lokalizuara.

Lumenjtë e tjerë në gjithë territorin pritet të kenë prurje të larta. Reshjet intensive do të shoqërohen edhe me rrëshqitje të dherave në disa pjesë të territorit.

Era pritet të fryjë e lehtë deri mesatare.

Temperaturat minimale dhe maksimale:

Në bregdet 7 / 10 °C

Në vendet e ulëta 6 / 9 °C

Në vendet malore 0 / 2 °C