Kosovë, KQZ: Pjesëmarrja 46.9%, ja rezultatet Live
Pas mbylljes së vendvotimeve në Kosovë, kryetarja e Komisionit Qendror Zgjedhor, KQZ, Valdete Daka, shumë shpejtë njoftoi se ka filluar procesi i numërimit të fletëvotimeve i cili për shumë pak kohë qartësoi dhe fituesin e këtyre zgjedhjeve parlamentare: LVV dhe Vjosa Osmani!
“Nga 98.3% numri i qytetarëve që kanë votuar është 46.90%, mbi 820 mijë votues.Në zgjedhjet e vitit 2019 kishin votuar 44.18% apo 812 mijë e 49 votues.Të dhënat e detajuara të pjesëmarrjes në zgjedhje janë në linkun e KQZ-së”, tha Daka duke u shprehur e lumtur se sot Kosova tregoi shembull se si duhet organizuar zgjedhjet pavarësisht sfidave të shumta.
“Falënderoj qytetarët e Republikës së Kosovës që në këtë ditë dhanë shembull të një kulture të lartë demokratike, poashtu edhe subjektet politike që treguan kujdes për procesin zgjedhor për ditën e sotme.Inkurajoj të gjithë të zbatojnë të gjitha procedurat e e nevojshme gjatë numërimit të votave.”
Pas numërimit të 89.13 për qind të votave kur gjithçka ishte e e qartë dhe Lëvizja Vetëvendosje e Albin Kurtit kryesonte me 47.80 për qind, pasuar nga Partia Demokratike e Kosovës me 17.33 për qind, Lidhja Demokratike e Kosovës 13.35 për qind, Aleanca për Ardhmërinë e Kosovës 7.56 për qind, Lista Serbe 5.12 për qind, Nisma Socialdemokrate 2.71 për qind, qytetarëve iu drejtuan fituesit e këtyre zgjedhjeve, Albin Kurti dhe Vjosa Osmani:
Për rezultatet LIVE, klikoni KETU:
