Me votat e rregullta, Vetëvendosje ka 56 ulëse në Parlamentine Kosovës

Me përfundimin e numërimit të votave të rregullta, Lëvizja Vetëvendosje aktualisht ka fituar 56 ulëse në parlament.

Formula me të cilën Parlamenti i Kosovës ndan ulëset është “Sainte-Lague”. Pasi që 20 ulëse nga 120 sa janë në Parlament, janë të rezervuara për minoritetet, partitë shqiptare luftojnë për 100 ulëset tjera.

Ulëset që mbesin “të zbrazëta” si pasojë e përqindjes së votave që shkon për partitë që nuk kalojnë pragun prej pesë për qind, u ndahen partive parlamentare. Në përllogaritjen aktuale, përqindja e përbashkët e partive që s’kanë kaluar pragun është mbi 11 për qind. Kjo nënkupton që 11 ulëse do të ndahen për katër partitë që kanë kaluar pragun: VV-në, PDK-në, LDK-në e AAK-në.

Lëvizja Vetëvendosje, që pas numërimit të votave të rregullta ka 47.85 për qind të votave, ka siguruar 56 ulëse në Parlament. Partia Demokratike e Kosovës, si e dyta, me 17.4 për qind, ka 20 ulëse. Lidhja Demokratike me 13 për qind do të marrë 15 ulëse, ndërsa AAK-ja do të jetë grupi më i vogël parlamentare me nëntë deputetë.

Sot pritet të nisë numërimi i votave me kusht dhe atyre të diasporës.

Publikohen formularët për subjektet politike dhe kandidatëve për deputetë

Komisioni Qendror i Zgjedhjeve, ka filluar publikim në web faqe të formularëve për subjektet politike dhe kandidatëve për deputetë.

Publikimi i formularëve sipas zëdhënësit të KQZ-së ka për qëllim rritjen e transparencës për procesin zgjedhor të 14 shkurtit.

Më qëllim të rritje së transparencës KQZ ka filluar me publikimin e formularëve të partive politike dhe kanidatëve për zgjedhjet e 14 shkurtit. Ky publikim nuk është shpallje e rezultateve përfundimtare.

Elezi, s’ka dhënë ndonjë datë se kur mund të shpallen rezultatet përfundimtare, pasi ka thënë se ato do të shpallen pas numërimit të votave me kusht dhe atyre me post, si dhe përfudnimit të procedurave tjera në QNR.

“Rezultatet përfundimtare shpallen pas numërimit të votave të rregullta atyre me kusht dhe atyre me post. S’mund të themi ndonjë datë”, tha ai