Lulzim Basha: Nga Shkodra ka nisur gjithmonë dita e bardhë për Shqipërinë!
Nga Shkodra ka nisur gjithmonë dita e bardhë për Shqipërinë dhe shqiptarët, tha Kryetari i Partisë Demokratike, Lulzim Basha, sapo shkeli në tokën shkodrane dhe u përballë me entuziazmin e qytetarëve, ku për 8 vjet Kryeministri Edi Rama vrau shpresën dhe instaloi varfërinë:
“Mirë se ju gjej! Faleminderit për mikpritjen, faleminderit nga zemra Shkodrës për këtë mikpritje të jashtëzakonshme! Nga Shkodra ka nisur gjithmonë dita e bardhë për Shqipërinë dhe shqiptarët. Sa herë vij këtu mahnitem me bujarinë, me mençurinë e shkodranëve, pa lënë mënjanë Shkodrën e mendjeve, të akademikëve, të artistëve dhe njerëzve punëtorë. Faleminderit nga zemra për këtë sinjal të fitores,” tha Lulzim Basha duke mos harruar dhe kujdesin ndaj koronavirusit në veçanti ndaj masës qytetare që kishte dalur për ta pritur liderin e shpresës :
“Ju lus merrni masat e distancës dhe maskat se më 25 prill do ta shërojmë Shqipërinë nga një virozë 8-vjeçare, por duhet të kujdesemi. E rëndësishme të bashkohemi bashkë, më 25 prill të sjellim ndryshimin. Bashkë do fitojë Shqipëria, do fitojë Shkodra!”
Ndryshe, edhe sot përgjatë rrugës Kryetari i PD, Lulzim Basha, u përshëndetë nga qytetarë të shumtë që janë në pritje të ditës së çlirimit, 25 Prillin:
