Largimi masiv i shqiptarëve, Basha: Edi Rama nuk shqetësohet, do ti zëvendësoj!

Derisa shifrat e institucioneve vendore dhe ndërkombëtare flasin për shpopullimin masiv të Shqipërisë ndërsa si shkak përmendet keqeverisja e Edi Ramës ai këshillon sipërmarrësit që të marrin punëtorë nga Bangladeshi sepse shqiptarët janë dembelë dhe thashethemexhinj. Pas kësaj “këshille” ka reaguar Kryetari i Partisë Demokratike, Lulzim Basha, duke e renditur shpopullimin masiv si një ndër 100 dështimet e qeverisjes së Edi Ramës ndërsa përgjigjet nëse Kryeministri është i shqetësuar për këtë fakt:

“Largimi masiv i shqiptarëve gjatë qevrisjes së tij nuk e shqetëson Ramën, madje ai i konsideron shqiptarët të zëvendësueshëm me popuj të tjerë,” shprehet Lulzim Basha në reagimin e tij përmes rrjetit social Instagram kur kanë mbetur edhe 23 ditë nga fundi i regjimit të Edi Ramës.