Uron Vjosa Osmanin, Ambasadori amerikan përgëzon deputetët e LDK që votuan

Ambasadori amerikan në Kosovë, Philip Kosnett, ka uruar presidenten e re të Kosovës, Vjosa Osmani ndërsa ka përgëzuar deputetët e LDK që morën pjesë në votim duke siguruar se Shtetet e Bashkuara mbesin të përkushtuara për partneritetin e ngushtë me Kosovën.

“Përgëzime Vjosa Osmanit për zgjedhjen  Presidente, dhe deputetëve që e kryen detyrën e tyre në Kuvend. SHBA mbetet e përkushtuar për partneritetin e ngushtë me Republikën e Kosovës për ta ndërtuar një të ardhmen e paqes, drejtësisë dhe prosperitetit për të gjithë qytetarët,” tha në urimin e tij Philip Kosnett.

Ndryshe, sot në një seancë të jashtëzakonshme parlamentare, Vjosa Osmani është zgjedhur me 71 vota, Presidente e re e Kosovës.