Adoleshenti shqiptar i zhdukur prej 29 majit, policia angleze kërkon ndihmë

Policia është vënë në kërkim të një adoleshenti shqiptar, i raportuar i zhdukur nga adresa ku po qëndronte në Worthing të Anglisë.

Sipas mediave lokale, personi i zhdukuar është Eduart Deda, 16 vjeç. Ai është parë për herë të fundit në banesën e tij në Worthing në 29 maj.

Nuk dihet ende nëse shqiptari është me dokumente të rregullta apo ka hyrë ilegalisht në Britani.

Mediat, që i referohen policisë lokale, raportojnë se, “16-vjeçari është i gjatë 1.72 m, i dobët dhe ka një shenjë në dorën e tij të majtë. Ai flet anglishten me dialekt, dhe kishte veshur një xhaketë të zezë me zinxhir, bluzë të bardhë e xhinse”.

Po ashtu në përshkrim shtohet se: ai flet me një aksent të huaj dhe herën e fundit që u pa ishte i veshur me një xhaketë të zezë me kapuç, një bluzë të bardhë, xhinse ngjyrë blu dhe atlete të zeza.