Spanja shënon fitoren e parë, VAR “ngrin” Iranin

Spanja i është gëzuar fitores së parë në Kupën e Botësduke fituar ndaj Iranit (1-0) në ndeshjen e dytë në Grupin B.

Gjysma e parë e takimit nuk dhuroi shumë raste shënimi, por në fillim të pjesës së dytë, të dyja skuadrat e patën nga një shans, mirëpo La Roja e zhbllokoi rezultatin.

Diego Costa pranoi një top në zonë, u rrotullua dhe goditja e tij u ndal në rrjetë (54′).

Në minutën e 63-të, futbollistët e Iranit ia dolën që ta fusnin topin në rrjetë, mirëpo me ndihmën e sistemit VAR, goli u anulua për pozicion jashtë loje.

Të dyja skuadrat në vazhdim të ndeshjes u përpoqën që të shënonin, spanjollët për ta vulosur fitoren, kurse iranianët kërkonin barazimin. Megjithatë, deri në fishkëllimën e fundit të gjyqtarit nuk u shënua gol tjetër.

Irani ka tri pikë dhe do ta kërkojë kualifikimin ndaj Portugalisë në takimin e fundit të fazës në grupe. Iranianët duhet t’i mposhtin portugezët për t’u kualifikuar në fazën e eliminimit direkt.

Irani-Spanja 0:1

Stadiumi ‘Kazan Arena’, Kazan.

Shikues: 42.718.

Gjyqtar: A. Cunha (Uruguai).

Shënues: Costa (54′).

Kartonat e verdhë: Amiri, Ebrahimi.

Irani: Beiranvand, Hajsafi (Mohammadi 69′), Pouraliganji, Hosseini, Rezaeian, Ebrahimi, Ezatolahi, Ansarifard (Jahanbakhsh 74′), Taremi, Amiri (Ghoddos 86′) dhe Azmoun.

Spanja: de Gea, Carvajal, Pique, Ramos, Alba, Busquets, Iniesta (Koke 71′), Silva, Isco, Lucas (Asensio 79′) dhe Costa (Rodrigo 89′).

Grupi B

Portugalia-Maroku 1:0
Irani-Spanja 0:1

Në takimin e tretë, me 25 qershor takohen: Irani-Portugalia (20.00) dhe Spanja-Maroku (20.00)