A do e firmosë Donika Prela arrestimin e Adriatik Llallës…
Donika Prela, Prokurore e Durrësit, e promovuar nga Arta Marku, është emëruar në krye të Prokurorisë së Krimeve të Rënda, duke zëvendësuar Besim Hajdarmatajn.
Prela së fundmi si prokurore në qytetin bregdetar ka hetuar ish-Kryeprokurorin Adriatik Llalla me akuzën e pastrimit të parave.
Dosja në fjalë është transferuar në Prokurorinë e Krimeve të Rënda, e cila do të drejtohet nga Prela. Kjo e fundit ka hetuar Llallën dhe tashmë do të ketë përballjen e parë në detyrën e re nëse do e firmosë apo jo fletë-arrestin për ish-Kryeprokurorin.
Llalla është zyrtari i parë i shtetit shqiptar që është përfshirë në listën e zezë të SHBA, duke mos iu lejuar hyrja në Amerikë.
