A po shkojmë drejt peshkut të madh? Ambasadorja e SHBA: Nuk jam peshkatare!
Ndryshe nga paraardhësit e saj, Ambasadorja e SHBA në Tiranë, Yuri Kim, flet për Reformën në Drejtësi që po çohet përpara ndonëse më ngadalë se sa pritej, por nuk flet për peshqit e mëdhenjë sepse thotë se nuk është peshkatare.
“Tani është koha që të vazhdojmë përpara. Mos u dorëzoni. Disa njerëz thonë që Reforma në Drejtësi është asgjë, duhet të dorëzohemi, por jo, po ju gënjejnë, mos hiqni dorë,” tha Ambasadorja amerikane ndërkohë e pyetur nëse po shkojmë drejt peshkut të madh, ajo tha:
“Unë jam diplomate. Unë nuk jam një prokurore, nuk jam një peshkatare, nuk jam gjyqtare, unë jam thjesht një diplomate!”
Kim theksoi më tej se institucionet kanë përgjegjësinë e tyre, ata e dinë se cilat janë përgjegjësitë e tyre, unë mendoj që ata po nisin t’i përmbushin ato.
“Le të mbështesim ata!”
Ambasadorja e SHBA në Tiranë, Yuri Kim, nga aktiviteti “Mik festival” që këtë vit po zhvillohet në Pustec tha se bukuria e Shqipërisë është shpirti i shqiptarëve që i jep shpresë.
