Akil Gjakova, kampion i Evropës
Xhudisti i Kosovës, Akil Gjakova është kampion i Evropës.
Gjakova ka fituar medaljen e artë në Kampionatin Evropian që po mbahet në Lisbonë, pasi mposhti në finale izraelitin, Tohar Butbul.
Xhudistët shkuan në Golden Score pas barazimit në kohën e rregullt, ku secili nga ta kishte nga dy penalti.
Por pas Golden Score Akil Gjakova triumfoi në min 1:31, me një lëvizje të mrekullueshme ndaj izraelitit për të fituar medaljen e artë të Kampionatit Evropian.
Kujtojmë së Akili në gjysmëfinale e mundi me “ippon” zviceranin, Nils Stump.
“Mbreti i Evropës” e ka cilësuar Trajneri i Përfaqësueses së Kosovës, Driton Kuka, Kampionin e ri të Evropës, Akil Gjakova.
Ndryshe, pas Distria Krasniqit kjo është medalja e dytë e artë e Kosovës në Kampionatin Evropian të xhudos i cili po zhvillohet në Lisbonë të Portugalisë.
