Aksident i rëndë, 4 të vdekur, tre prej tyre shqiptarë! Plava shpall 3 ditë zie

Katër të vdekur dhe një i plagosur është bilanci i aksidentit të rëndë të trafikut i cili ndodhi në aksin rrugor Plavë-Murinë, ku dy makina u përplasën kokë më kokë.

“M.H. bashkëshortja e tij E.H. si dhe N.C. e M.M kanë humbur jetën në aksidentin e trafikut i cili ka ndodhur mbrëmë në rrugën drejt Plavës, në vendin e quajtur Brezojevicë,” raporton televizioni publik i Malit Zi, RTCG për aksidentin i cili ndodhi mbrëmjen e së hënës në orën 19:35 ku që të gjitha viktimat ishin nga Plava.

“M.M është pranuar në spitalin e Beranit me lëndime në rrezik për jetën, por, ai nuk i mbijetoi plagëve. Ekipi i Emergjencës së Qendrës Klinike Spitalore dhe një numër i madh i mjekëve pa sukses bënë përpjekje për reanimacion,” tha Drejtori i Qendr Spitalore Berane, Milorad Magdeliniç, ndërsa për një person tjetër që mbeti i lënduar shtoi se është jashtë rrezikut për jetën. 

Pas këtij aksidenti të rëndë, Kryetari i Komunës Plavë, Nihad Canoviç, ka shpallur tre ditë zie për katër qytetarët e këtij qyteti që humbën jetën.

Ditë zie janë shpallur 26, 27, dhe 28 Dhejtori 2023.

Mësohet se në aksident humbën jetën çifti Haxhaj, M.Haxhaj dhe E.Haxhaj të moshës 26 vjeç përkatësisht 20 vjeç, Mirza Mekuli dhe Nero Cirikoviç 26 vjeç.