Aksident i rëndë në Rrogozhinë, përplasen tre makina – 3 të vdekur

Orët e para të mëngjesit të sotëm ishin tragjike për dy shoferët dhe pasagjeren e një prej tre makinave që u përfshinë në një aksident në Rrogozhinë.

Nga përplasja e fortë fillimisht humbi jetën në vendin e ngjarjes shoferi Tonin Mëhilli, 54-vjeç, oficer burgjesh, ndërkohë më vonë vdiq dhe një prej pasagjereve nga mjetet e aksidentuara, Merushe Koni, 60 vjeçe.

Në gjendje të rëndë, në Spitalin e Durrësit u transportua bashkëshorti i saj, Muharrem Koni, i cili fatkeqësisht nuk ka mundur të mbijetojë ndërkohë dhe një fëmijë 10 vjeç është në gjendje të rëndë.

Shkak për aksidentin dyshohet të jetë një parakalim i gabuar i mjetit tip Audi, shoferi i të cilit, Endrit Lila, është shoqëruar në polici.