Aksident i rëndë në Rrugën e Kombit, 4 të vdekur nga një familje. Policia jep detajet…

Një aksident i rëndë ka ndodhur në Rrugën e Kombit ku kanë mbetur të vdekur çifti i bashkëshortëve nga kosova, Blerim Avdiaj, 51 vjeç, dhe Anjeza Avdiaj, 34 vjeçe, me dy fëmijët e tyre, M. Avdiaj, 6 vjeçe, dhe K. Koçi, 11 vjeç (djali nga martesa e parë e gruas), ndërsa fëmija i tretë i kësaj familje, 3-vjeçarja V. Avdiaj, ka mbetur e plagosur.

“Në aksin rrugor Milot-Morinë, në afërsi të një karburanti në Rreshen, mjeti tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë,” bënë të ditur Policia e Shtetit ku për pasojë kanë humbur jetën drejtuesi i mjetit tip “Citroen” , bashkëshortja e tij dhe 2 fëmijët si dhe është plagosur fëmija i mitur, e cila është transportuar në spitalin e Traumës Tiranë.

Dyshohet se shkak i aksidentit ka qenë lagështia në rrugë.

Njoftimi i policisë: 

Në aksin rrugor Milot-Morinë, në afërsi të një karburanti në Rreshen, mjeti tip “Citroen” me të cilin udhëtonte një familje kosovare është përplasur me mjetin tip kamion me drejtues shtetasin I.I.,banues në Kosovë.

Për pasojë kanë humbur jetën drejtuesi i mjetit tip “Citroen” , bashkëshortja e tij dhe 2 fëmijët dhe është plagosur fëmija i mitur, i cili është transportuar në spitalin e Traumës Tiranë.

Grupi hetimor në vendngjarje punon për sqarimin e plotë të shkakut dhe rrethanave të ngjarjes.