Aksident i rëndë/ Tiranë-Elbasan, dy vazja ndërrojnë jetë, dy në gjendje kritike. Policia jep detajet…

Një aksident i rëndë ka ndodhur këtë mbrëmje në aksin rrugor Tiranë-Elbasan, në dalje të tunelit të Krrabës. Si pasojë e plagëve të marra, dy vajzat e reja që ishin pasagjere në sediljen e pasme të automjetit “Volkswagen” që u godit nga një “Benz”, ndërruan jetë në spital.

Mësohet se se vajzat që kanë ndërruar jetë janë Lusinda Garunja dhe Xheneta Qallia, 23 dhe 21 vjeç, banuese në Shkodër. Ndërsa të plagosura dhe në rrezik për jetën janë shtetaset, Denisa Dibra, 26 vjeçe, banuese në Shkodër, drejtuesja e mjetit Nervida Garunja, 23 vjeçe gjithashtu banuese në Shkodër, raporton BW.

Drejtuesit i automjetit tip ‘Benz’ me targa AA209AD,  që shkaktoi aksidentin tragjik, Behar Pema, 58 vjeç,  rezultoi se e drejtonte automjetin në gjendje të dehur. Sipas testit të alkoolit rezultoi  në masën 093 mg/l testi i parë dhe 0.99 mg/ l testi i dytë.

Në vendin e ngjarjes ka mbërritur policia e cila po punon për zbardhjen e shkaqeve të këtij aksidenti tragjik, që u mori jetën dy vajzave.

Informacion paraprak

Në aksin rrugor Tiranë-Elbasan, në dalje të tunelit të Krrabës, mjeti tip “Benz”,  dyshohet se  ka goditur mjetin  tip “Volkswagen”, ku udhëtonin 4 shtetase.

Shërbimet e Policisë dhe të zjarrëfikses kanë bërë e mundur nxjerrjen nga mjeti të 4 shtetasve të cilit ishin të bllokuar, të cilat u transportuan menjëherë në  spital për ndihmë mjekësore, ku 2 shtetase si pasojë e plagëve të marra kanë ndërruar jetë në spital.

Grupi hetimor ndodhet në vendngjarje dhe po punon për zbardhjen dhe sqarimin e shkakut të aksidentit.