Aksident në rrugën Prishtinë – Ferizaj, një i vdekur dhe katër të lënduar

Një person ka mbetur i vdekur si pasojë e një aksidenti, ku janë përfshirë tre automjete në rrugën nacionale Prishtinë – Ferizaj.

Policia e Kosovës njofton se në këtë aksident, ku kanë qenë të përfshira tri automjete, katër persona të tjerë kanë pësuar lëndime.

“Sot rreth orës 01:00 kemi pranuar informatën se në rrugën Prishtinë – Ferizaj, ka ndodhur një aksident trafiku me pasoja fatale. Në këtë aksident kanë qenë të përfshira, tri automjete (një veturë e parkuar), ndërsa dy kanë qenë në lëvizje. Si pasojë e aksidentit lëndime të rënda trupore kanë pësuar pesë persona, njëri nga të cilët nuk ka arrit të përballojnë plagët dhe i njëjti ka vdekur,” bënë të ditur Policia e Kosovës.

Ndryshe, me rastin në fjalë po merret hetuesia nga njësiti i trafikut rrugor.