Aksidentohet për vdekje Shefi i Njësisë Operacionale të Gardës…

Një efektiv i lartë i Gardës së Republikës humbi jetën si pasojë e një aksidenti në qendër të Tiranës, pranë godinës së Kryeministrisë.

Shefi i Njësisë Operacionale të Gardës së Republikës, Martin Nika, u përplas për vdekje nga një makinë.

Sipas raportimeve, viktima kishte kryer kontrollin e shërbimi të Gardës së Republikës, kur është goditur nga një automjet dhe nuk ka mundur dot t’i mbijetojë plagëve të marra.

Njoftimi i Policisë

Aksidenton me pasojë vdekjen një shtetas. Arrestohet në flagrancë nga policia.

Më datë 25.05.2018 shërbimet e policisë Tiranë arrestuan në flagrancë shtetasin :

– A. M, 31 vjeç, banues në Tropojë.

Ky shtetas rreth orës 00:30 në rrugën “Papa Gjon Pali i II”, duke drejtuar mjetin tip “Volksvaken Pasat”, me targë AA 881 JL, ka aksidentuar me pasojë vdekjen në vend, shtetasin M. N. 50 vjeç., banues në Tiranë.

Materialet iu referuan Prokurorisë së Rrethit Gjyqësorë Tiranë në ngarkim të shtetasit të lartpërmendur për veprën penale “Shkelje të rregullave të qarkullimit rrugor”, parashikuar nga neni 290 i Kodit Penal.