Aksioni antidrogë në Tiranë, 100 kg kokainë në kontejnerin me banane

Aksioni antidrogë në zonën e Vaqarrit që u zhvillua mbrëmjen e sotme nga Policia e Tiranës u finaluza me sekuestrimin e rreth 100 kg kokainë e cilau gjet në një kompani frutash.

Mësohet se droga ishte fshehur brenda një kontejneri me banane, ndërsa origjina e saj dyshohet se është nga Amerika Latine.

Kontejneri, raporton BW, ishte mbajtur në vëzhgim nga policia gjatë kohës kur ishte në Portin e Durrësit dhe u gjurmua derisa mbërriti në kompaninë në Vaqarr. Më pas kanë ndërhyrë forcat e policisë të cilat shoqëruan personat që po shkarkonin bananet, ku dyshohet se ishte fshehur droga.

Kontrollet e policisë kanë vijuar në banesat e të dyshuarve dhe në kontejnerët e tjerë të kësaj kompanie që vijojnë të jenë në port.