AKU bllokon 27 ton mish pule nga Brazili. Gjoba…
Autoritetit Kombëtar i Ushqimit, AKU, pas një sërë kontrollesh për monitorimin e cilësisë si në terren, ashtu dhe Pikat e Inspektimit Kufitar, ka bllokuar 27.642 ton produkte të pasigurta, ka ndëshkuar me 3.5 milionë lekë kundërvajtje në 3 subjekte dhe ka ndërprerë aktivitetin dy prej tyre.
Vetën në Pikën e Inspektimit Kufitar Durrës, pas kontrollit të një ngarkese me sasi totale 27 ton “mish pule” me origjinë nga Brazili dhe destinacion Shqipërinë, e importuar nga subjekti “ZICO sha”, rezultoi se se ngarkesa me produkte importi është e pasigurt për konsum njerëzor dhe u vendos kthimi i saj në vendin e origjinës.
Ndërsa subjekti “TONA-ALB” me aktivitet “Prodhim, përpunim, ambalazhim, etiketim të salcave të ndryshme dhe produkteve me origjinë të përzier”, Korçë, përveç se liçencë kishte 66 kg. erëza 66 kg të cilave u kishte kaluar afati i përdorimit, si 163 kg salcë, 400 kg mustardë 400 kg dhe 13 kg kokteil, me etiketa të panotifikuara nga ana e AKU-së. Për shkeljet e konstatuara subjekti u gjobit me 1.900.000 lekë dhe u bllokuan 66 kg produkte të konstatuara të pasigurta për konsum, me qëllim asgjesimin e tyre, si dhe 576 kg produkte të paetiketuara, deri në etiketimin e tyre konform ligjit.
Njoftimi i plotë:
Autoritetit Kombëtar i Ushqimit ka kryer një sërë kontrollesh të njëpasnjëshme për monitorimin e cilësisë dhe efektivitetit të kontrolleve zyrtare, si në terren, ashtu edhe në Pikat e Inspektimit Kufitar, me qëllim mbrojtjen e shëndetit dhe interesit të konsumatorëve, si dhe për të garantuar sigurinë ushqimore në vend. Nga kontrollet ka rezultuar se një ngarkesë me produkte importi dhe disa subjekte nuk përmbushnin kërkesat ligjore të sigurisë ushqimore, më konkretisht:
- Subjekti“TONA-ALB” me aktivitet “Prodhim, përpunim, ambalazhim, etiketim të salcave të ndryshme dhe produkteve me origjinë të përzier”, Korçë, u konstatua se subjekti pasi kishte aplikuar për t’u pajisur me licencën përkatëse (kategoria II. 1. A) kishte vijuar aktivitetin pa marrë miratimin, si dhe pjesërisht pa sistem gjurmueshmërie. U evidentuan një sërë produktesh lëndë të para (erëza 66 kg), të cilave u kishte kaluar afati i përdorimit, si dhe produkte me etiketa të panotifikuara nga ana e AKU-së (salcë 163 kg, mustardë 400 kg, kokteil 13 kg etj.), si dhe të dhënat në etiketë nuk përkonin me përshkrimin e produktit në kartën teknologjike. Për shkeljet e konstatuara trupa inspektuese mori masat e mëposhtme:
- “Gjobë” me vlerën 1,000,000 lekë (mosdisponim licence për ushtrim aktiviteti),
- “Gjobë” me vlerën 500,000 lekë (tregtim produktesh me afat të kaluar përdorimi),
- “Gjobë” me vlerën 200,000 lekë (veprime në kundërshtim me përgjegjësitë e operatorit të biznesit),
- “Gjobë” me vlerën 100,000 lekë (mungesë e sistemit të gjurmeshmërisë),
- “Gjobë” me vlerën 100,000 lekë (etiketim në kundërshtim me ligjin),
- “Bllokim i produktit” për 66 kg produkte të konstatuara të pasigurta për konsum, me qëllim asgjesimin e tyre, si dhe 576 kg produkte të paetiketuara, deri në etiketimin e tyre konform ligjit.
- Subjekti “Shaqir Hoxha” me aktivitete “Supermarket”, Çermë, Fier, ushtronte aktivitetin i papajisur me licencën përkatëse, pa sistem gjurmueshmërie dhe pa planin/manualin e vetëkontrollit (HACCP). Për shkeljet e konstatuara, trupa inspektuese mori masat e mëposhtme:
- “Gjobë” me vlerën 1,000,000 lekë (mosdisponim licence për ushtrim aktiviteti),
- “Gjobë” me vlerën 100,000 lekë (mungesë të sistemit të gjurmueshmërisë),
- “Gjobë” me vlerën 100,000 lekë (mungesë e planit/manualit të vetëkontrollit),
- “Ndërprerje e menjëhershme e aktivitetit”, deri në plotësimin e kërkesave ligjore.Ditën e djeshme në Pikën e Inspektimit Kufitar Durrës nga ana e inspektorëve të AKU u ushtrua kontroll në një ngarkesë me sasi totale27 ton “mish pule” me origjinë nga Brazili dhe destinacion Shqipërinë, e importuar nga subjekti “ZICO sha”, e cila rezultoi se nuk plotësonte kërkesat ligjore të sigurisë ushqimore pasi kishte mangësi në dokumentacionin shoqërues (pavlefshmëri të certifikatës veterinare). Për rrjedhojë, u arrit në përfundimin se ngarkesa me produkte importi është e pasigurt për konsum njerëzor dhe u vendos kthimi i saj në vendin e origjinës.
Subjekti “Liljanë Shuajup Prevja” me aktivitet “Njësi prodhim, tregtim buke dhe Mëngjezore” Bërdicë, Shkodër, i inspektuar në kushtet e flagrancës, ushtronte aktivitetin i parregjistruar në QKB (shkelje për të cilën u bë njoftimi i strukturave të Tatim Taksave Shkodër), pa sistem gjurmueshmërie, si dhe me kushte të papërshtatshme higjeno-sanitare (pajisjet e punës të papastra dhe me prani ndryshku, muret të dëmtuara, tualeti me dalje të drejtpërdrejt në ambjentet e punës dhe pa analiza të ujit të pijshëm). Për shkeljet e konstatuara, trupa inspektuese mori masat e mëposhtme:
- “Gjobë” me vlerën 300,000 lekë (mungesë të kushteve higjeno-sanitare),
- “Gjobë” me vlerën 100,000 lekë (mungesë të sistemit të gjurmueshmërisë),
- “Ndërprerje e menjëhershme e aktivitetit”, deri në plotësimin e kërkesave ligjore.
