Akuza, porositi atentatin në Kamëz, dëshmia e kushëririt fundos “të fortin e Myslym Shyrit”

Gjykata ka caktuar sot masën “arrest me burg” për Gjergj Cukalin, i cili akuzohet se porositi atentatin me eksploziv në Kamëz ndaj Gjon Menës.

Gjergj Cukali, i njohur ndryshe edhe si “i forti i Myslym Shyrit” akuzohet për vrasje me paramendim mbetur në tentativë’ dhe ‘shkatërrim prone me eksploziv.

Ndërkohë dy personat e arrestuar, kushërinjtë Edmond dhe Enver Jakimi që akuzohen se kanë vendosur eksplozivin iu është komunikuar me herët masa e sigurisë. Cukali, raporton BW, është zbuluar nga njëri prej kushërinjve që është penduar.

“Cukali më kërkoi t’i vija bombën Gjon Menes. Bomben na e solli vetë ai. Na premtoi 30 mijë euro dhe me dha vetëm dy mijë,” pohoi në sallën e gjyqit Enver Jakimi.

Ndryshe, dy kushërinjtë u arrestuan 2 ditë pas ngjarjes, por kjo gjë u mbajt sekret derisa të arrestohej Gjergj Cukali.