Akuzat e Bashës/ Gjykata e Tiranës rrëzon Dakon e Durrësit
Gjykata e Tiranës rrëzoi padinë e ngritur nga kryebashkiaku i Durrësit, Vangjush Dako, ndaj kreut të PD-së, Lulzim Basha. Dako kërkonte nga gjykata dënimin për shpifje të Bashës, në lidhje me akuzat që ka bërë kreu demokrat ndaj tij.
Basha ka akuzuar kryebashkiakun e Durrësit si të lidhur me krimin dhe bandat. Këto akuza Dako i quante shpifje dhe kishte bërë padi në Gjykatën e Tiranës, duke kerkuar edhe 1 milione lek dëmshpërblim.
Sot gjykata ka vendosur të mos e pranojë kërkesën e tij, duke i rrëzuar pretendimet se kreu i PD kishte shpifur.
