Akuzat e Kryeministrit/ Përgjigje, Basha: Mishërimi më i qartë i KÇK, “Qeveria Rama”!

Pas akuzave të rë rënda të Kryeministrit Edi Rama, i cili në emër të reagimit ndaj një deklarate të Partisë Demokratike, thekson se kjo parti krimin e ka mjet politik kundër qeverisë, por s’e kanë pasur kurrë në shënjestrën e tyre, vjen dhe përgjigja e Kryetarit të PD, Lulzim Basha, i cili thekson se Rama pretendon se po lufton krimin kur në fakt mishërimi më i qartë i KÇK është vetë qeveria e tij!

“Rama ka frikë nga hija e vet. Është tmerruar nga ligjet e veta. I rrethuar nga kriminelë e mafiozë, ai vazhdon ti mbrojë ata me gjithçka që ka në dorë,” thekson Lulzim Basha në përgjigjen e tij përmes rrjetit social Twitter duke përfunduar:

“Edi Rama gënjen sa herë që hap gojën; pretendon se po lufton krimin kur në fakt mishërimi më i qartë i KÇK është…vetë qeveria e tij.”

Ndryshe, Pas sugjerimit të Partisë Demokratike që zbatimin e ligjit “Anti-KÇK”, të cilin Edi Rama e paralajmëroi me bujë, që ta nisë me goditjen e trafikantëve të dënuar të drogës dhe pasurive të tyre të paligjshme, si Edmond Bego i Taulant Ballës, reagoi ashpër Kryeministri duke akuzuar PD-në se krimin e kanë mjet politik kundër qeverisë, por s’e kanë pasur kurrë në shënjestrën e tyre!

“Përkundrazi! E kanë ushqyer e janë ushqyer prej tij.”