ALARM/ “Millosheviçi Shqiptar”, IFIMES: Edi Rama po e çon vendin në luftë civile!
Kryeministri i Shqipërisë, Edi Rama, duke gjykuar veprimin e tij politik, gjithnjë e më shumë të kujton “Millosheviçin shqiptar”, thekson në analizën e tij, Instituti Ndërkombëtar për Studime të Lindjes së Mesme dhe Ballkanit, IFIMES, në Lublanë, dhe paralajmëron se situata aktuale në Shqipëri është shumë shqetësuese sepse qysh tani ka shenja të një lufte të mundshme civile.
Në analizën e fundit të këtij Instituti mbi situatën aktuale në rajonin e Ballkanit Perëndimor, analistët theksojnë se në Shqipëri mund të shpërthej konflikti i armatosur.
Rrugën drejtë stabilizimit të situatës në Shqipëri e shohin në formimin e një qeverie tranzitore, e cila do të përgatitë terrenin për zgjedhje të lira dhe të ndershme, sepse, siç paralajmërojnë, në të kundërtën Edi Rama do ta çoj Shqipërinë në luftë civile.
“Administrata e Brukselit është me fame si e korruptuar, analistët dhe studiesit shpesh theksojnë shembullin e Kryeministrit Edi Rama, i cili në mënyrë ët dyshimtë dhe që ndërlidhet me korrupsionin, ka arritur që të realizoj ndikime të caktuara të palejuara në Bruksel,” thekson analiza e IFIMES.
Rikujtohet se Shqipëria në vitin 1991 dhe në vitin 1997 ishte në prag të luftës civile.
Analistët, opozitën shqiptare e shohin si më shtetformuesen nga të gjitha opozitat në rajon, e cila, siç theksojnë, kundërshton fuqishëm regjimin e urryer të Edi Ramës”.
Ata konsiderojnë se shtyrja e zgjedhjeve vendore në Shqipëri, e përcaktuar më 30 Qershor, është e pashmangshme.
Analiza thekson se zhvillimet aktuale në Shqipëri dhe destabilizimi prezent në rajon po mundohen të transferohen në Serbi.
Me arsye, theksojnë, shtrohet pyetja se kujt i përgjigjet nxitja e kaosit në Ballkan dhe cilat janë ato qëllime që fshehen pas kësaj.
Analistët konsiderojnë se është e rëndësishme që të sigurohet paqja dhe stabiliteti në rajon dhe paralajmërojnë se çdo lloj stabilizimi në Serbi mund ta cenoj gjithë rajonin dhe të nxis spiralen e dhunës.
Duke folur për situatën në vendet tjera, në analizën e IFIMES theksohet se ndonëse të gjitha shtetet e Ballkanit Perëndimor janë të goditura me politikën e njerkës të BE-së, kohët e fundit kjo politikë në masën më të madhe e dëmton Serbinë dhe Maqedoninë e Veriut.
“Moszgjidhja e çështjes së Kosovës e mbanë gjithë rajonin në situatën e paparashikueshmërisë dhe destabilizimit latent. Vendosja e taksës për mallërat e Serbisë dhe Bosnje Hercegovinës i komplikon edhe më shumë marëdhëniet edhe ashtu të komplikuara në rajon. Maqedonia e Veriut ka bërë përparim historik nën kryesimin e Kryeministrit Zoran Zaev dhe e ka merituar, që ti caktohet një datë për çeljen e negociatave zyrtare me BE, e Bashkimi Evropian ende heziton,” theksojnë analistët e IFIMES duke shtuar se një sjellje e tillë e Brukselit zyrtar mund ti kthehet si boomerang vetë BE-së, sepse pa një politikë të qartë ndaj Ballkanit Perëndimor dhe zgjerimit për BE-në kjo hapsirë mund të humbet përgjithmonë.
Shtetet e Ballkanit Perëndimor, konsiderojnë analistët, mund të ndryshojnë orientimin e tyre gjeopolitik, në veçanti në situatën kur BE ndodhet në një krizë të thellë dhe kur nuk dihet e ardhmja e saj e parashikuar.
