Albin Kurti në Davos: Siguria e rajonit, thelbësore për sigurinë evropiane!

Kryeministri i Kosovës, Albin Kurti, tha se sot në Forumin Ekonomik Botëror në Davos është diskutuar mbi sigurinë gjeopolitike të rajonit, ndërsa e cilësoi edhe si temë thelbësore për sigurinë evropiane.

“Kënaqësi të isha pjesë e panelit sot në Forumin Ekonomik Botëror për të diskutuar dialogun e diplomacisë së Ballkanit Perëndimor me Ursula von der Leyen dhe persona të njohur nga rajoni e më gjerë,” u shpreh Albin Kurti përmes rrjetit social X duke e shoqëruar dhe me foto nga ky panel ndërsa përfundoi:

“Siguria gjeopolitike e rajonit tonë është thelbësore për sigurinë evropiane, prandaj tema është e një rëndësie të madhe.”