Enkelejd Alibeaj përjashtoi 4 deputetë, Ferdinand Xhaferaj: Maskaradë!

Një ditë pas Vendimit t ë Enkelejd Alibeajt për të përjashtuar nga Grupi Parlamentar i Partisë Demokratike, katër deputetë ka reaguar deputeti i PD Ferdinand Xhaferaj duke deklaruar se ai nuk ka firmosur për përjashtimin e kolegëve të tij nga grupi ndërsa vendimin e cilësoi si maksaradë.

“Jam marrë dhe do të merrem me qeverinë. Ka kolegë të tjerë që merren brenda opozitës. Unë si deputet i Grupit parlamentar u shpreha qartë për produktin e këtij vendimi. 4 deputetë janë të respektuar dhe i rrinë mirë kostumit opozitar. Kjo tregon për maskaradën e vendimit,” tha Xhaferi si njëri kundërshtarët më të denjë të Sali Berishës duke shtuar se është marrë dhe do merret me qeverinë ndërsa përfundoi:

“Kjo flet shumë dhe për kolegët dhe qytetarët shqiptarë. Merrem me politikë prej 30 vitesh dhe asnjëherë s’kam firmosur për përjashtim kolegësh. Edhe pse qenë fillim të karrierës s’kemi pasur vendime të vështira.”

Ndryshe, dje në momentin kur deputetët e Grupit Parlamentar mblodhën firmat për të shkarkuar kryetarin e tyre, Enkelejd Alibeaj, Kryeministri Edi Rama e vlerësoi si cenim të zbatimit të projektit të kreu të kompanisë “Eagle Hills”, Mohamed Alabbar, për Portin e ri turistik të Durrësit.

Në këtë situatë, me një urdhër suprem, Edi Rama detyroi llumin opozitar Lulzim Basha që të urdhëroi hyzmeqarin e tij Enkelejd Alibeaj, që të përjashtoi deputetët Tritan Shehu, Oerd Bylykbashi, Belind Këlliçi dhe Agron Shehaj për të “zhdukur” shumicën e krijuar që kërkon shkarkimin e Alibeajt!

Duke ju referuar një vendimi që nuk ekziston, Alibeaj dje tha se “ka përfunduar afati 1 vjeçar për distancimin e plotë dhe publik nga aktet e dhunës ndaj Partisë Demokratike të deputetëve të pezulluar Tritan Shehu, Oerd Bylykbashi, Belind Këlliçi dhe Agron Shehaj, dhe në mungesë të aktit të distancimit, sot hyn në fuqi masa e largimit zyrtarisht të tyre nga Grupi Parlamentar.”