Alibeaj: Xhafaj është zhdukur, shpresojmë t´a gjeni…

Deputeti demokrat, Enkelejd Alibeaj, ka ironizuar situatën në të cilën ndodhet ministri i Brendshëm, Fatmir Xhafaj, madje është shprehur se ai është zhdukur.

“Nuk ka vend më të mirë se sa nënkomisioni i të Drejtave të Njeriut për të diskutuar çështjen më të rëndësishme. Çështja është për të gjetur personat e zhdukur? Cili është personi që është zhdukur, personi që nuk bëzanë, ministri i Brendshëm i këtij vendi është i zhdukur, shpresoj që deri në 11:00 ta keni gjetur këtë person.

Çfarë po diskutojmë ne sot? Ne duhet të diskutojmë se si na ndodh që ne kemi nga një anë një ministër të zhdukur, e nga ana tjetër kemi një shtetas tjetër vëllai i tij, shëtit i lirë e bën karshillëk, këtij parlamenti, qytetarëve. Kjo është çështja që duhet të diskutojmë”, tha Alibeaj.