Amerikanizmi i bedelëve dhe Vlera!

Pas zgjedhjeve të 6 Marsit, kur në garën për kryetarin e Bashkisë Shkodër doli fitues Bardh Spahia si kandidat i PD të Sali Berishës, kryetari i bedelëve të Edi Ramës, Lulzim Basha, tha se fitoi Antivlera!

Për komunistët kjo deklaratë nuk la gjurmë në shpirtin e tyre kriminal, por demokratët vetëm në këtë moment u qartësuan se çfarë prezanton Amerikanizmi dhe Non Grata që përcakton Edi Rama dhe del nga goja e zyrtarëve amerikanë në Tiranë, pa dal ende në shesh shit-blerja e non-gratave nga Zyrtari i lartë i FBI, Charles McGonigal!   

Pra, i biri i familjes së madhe Spahia që shkriu jetën për këtë vend dhe ishte demokrati më i votuar në këtë qark në zgjedhjet parlamentare të vitit 2021, Bardh Spahia, sipas kryetarit të bedelëve të Partisë Socialiste, Lulzim Basha, që ka marrë dhe licencën e proamerikanit të madh dhe vazhdonte ti thoshte vetes kryetar i PD, na qenka Antivlera!

Dhe, mbështetësit e këtij llumi politik, që në emër të Amerikanizmit arriti të marrë në Shkodër 7.749 vota ose 16.82 për qind, si dhe Kandidatja e Edi Ramës, Majlinda Angoni, që arriti të marrë 18.205 vota ose 39.51 për qind së bashku me 800 vota që u shpallën të pavlefshme nga kjo bandë që dogji, plaçkiti dhe përgjaku Shkodrën nga viti 1945, na qenkan Vlera Shkodrane!

Amerikanizmi nga Lulzim Basha dhe bedelët e tij, para mbështetësve të tyre që kanë përqafuar lëvizjen e tyre në PD dhe akuzojnë me libër shpie non-gratën si antiamerikanë, në rastin më të mirë mund të thuhet se arsyetohet si antitezë e komunizmit sepse injorantëve që kanë përreth nuk mund t’ju flasin edhe për fenë, shkollën, traditën, familjen, ose dhe ato që nuk i kanë as mirazh si byreku me mollë, bejsbolli, rock and rolli ose xhinset!

Por, jo, Amerikanizmi që proklamojnë ky grup i bedelëve të Edi Ramës është shumë më i rrezikshëm se sa një pronar vule, selie ose dhe partie, që i përfiton të gjitha këto sepse është proamerikan, pra, sipas logjikës së tyre, dhe antikomunist!

Robert Welch, ka promovuar Amerikanizmin si “antitezën filozofike të komunizmit”. Presidentët e SHBA Warren G. Harding dhe Calvin Coolidge ishin zëdhënës të Amerikanizmit bazuar në politikat e tyre, por shitjen që i bënë Edi Rama me bedelët e tij, Amerikanizmit, nuk e kupton dot as nga përkufizimi i Presidentit Theodore Roosevelt që aq mirë e shtjellon në “Tru Americanism”, as te Wendy L. Wall me librin e saj “Inventing the ‘American Way’: The Politics of Consensus from the New Deal to the Civil Rights Movement”, por, vetëm te majta!

Profesori i shkencave politike në Universitetin Clemson, C. Bradley Thompson në ”Defining Americanism” shpjegon dhe prejardhjen e këtij fenomeni:

“Kuptimi i amerikanizmit sot është rrëmbyer nga e majta duke  e identifikuar me multikulturalizmin, relativizmin, ambientalizmin, rregullimin dhe mirëqenien – me fjalë të tjera, me progresizëm. Megjithatë, asnjë nga këto vlera nuk është unike amerikane, dhe në një formë ose në një tjetër, të gjithë kanë një prejardhje të qartë evropiane që vihet në kundërshtim të drejtpërdrejtë me kuptimin vendas të Amerikanizmit.”

Këtu është dhe thelbi i problemit pse Bardh Spahia dhe të gjithë demokratët në Shkodër e gjithë Shqipërinë, duhet të jenë shumë të përgatitur për luftën që kjo kastë kriminale politike po gatuan për përballjen e 14 Majit jo vetëm me kandidatin zyrtar të komunistëve, Benet Becin!  

Edi Rama u dha vulën, logon dhe partinë, i proklamoi dhe si proamerikanë të devotshëm duke u krijuar dhe antitezën, Sali Berishën Non-Grata, dhe për të arritur qëllimin e pushtimit komunist të Shkodrës, i urdhëroi të mos futen në garë më 14 Maj, dhe si “vlerë” e deklaruar që janë të shprehen se nuk do ta mbështesin kandidatin e Koalicionit “Bashkë Fitojmë”, Bardh Spahia!

Pikërisht këtu është vlera e pallogaritshme që ka Bardh Ali Spahia dhe ata jo vetëm që nuk e kanë por as nuk e kuptojnë pa lekë: Shpirti, bindja dhe qëllimi!

Ky llum politikë nuk e kuptuar dhe nuk do ta kuptoj Amerikanizmin, përderisa gjithçka e përkthejnë në lekë! Ata mund të punësojnë të gjithë familjarët që kanë nga Bashkia e Tiranës deri në Gjykatën Kushtetuese, të marrin leje ndërtimi nga Zogu i Zi te Parku i Liqenit në Tiranë ku t’ju doj e zeza zemër, ti vënë gishtin çdo tenderi të këtij shteti kriminal që drejtohet nga Edi Rama, por një gjë nuk e kanë kuptuar ndonëse ndonjëri prej tyre mund ta ketë lexuar por e keqpërdor, atë që shumë kohë më parë e ka thënë Presidenti Theodore Roosevelt në The Forum Magazine:

“Amerikanizmi është një çështje shpirti, bindjeje dhe qëllimi, jo besimi apo vendlindja”.