Arrestohet bossi i drogës, 34-vjeçari shqiptar pronar i një kafeneje në Londër

Policia e Londrës ka arrestuar shtetasin shqiptar, Taulant Stoica, i akuzuar për trafik ndërkombëtar të drogës nga Holanda në Itali dhe shtetet tjera evropiane gjatë periudhës dhjetor 2015-shkurt 2016, raportojnë mediat britanike.

Prokurorët pretendojnë se babai i katër fëmijëve në Brampton Road, Bexleyheath, Kent, u arratis në Mbretërinë e Bashkuar dhe hapi kafenenë Roma Milano Café në Lea Bridge Road, Walthamstow, si vend për të shmangur arrestimin.

I riu nga Shqipëria u arrestua pas një urdhër-arresti të lëshuar nga autoritetet italiane, të cilat e akuzojnë për trafik droge.

Taulant Stoica akuzohet se ka trafikuar drogë nga Holanda në Itali, së bashku me 38 persona të tjerë. Grupi kriminal trafikonte drogë të klasit A, vlera e së cilës në treg ishte e madhe. Pavarësisht pretendimeve të tij, Stoica pritet të ekstradohet në Itali.