Edi Rama akuzon, Basha: Ta kuptoj nervozizmin, koha jote mbaroi!

Në 25 Prill Edi Rama do të humb dhe Shqipëria do të fitojë, e tha sot prerë Kryetari i Partisë Demokratike, Lulzim Basha, ndërsa për lumin e akuzave që Kryeministri hodhi sot mbi Programin Ekonomik të PD dhe Opozitës së Bashkuar, Basha tha se e kupton këtë nervozizëm por koha e Ramës ka mbaruar.

“Plani ekonomik ka në tërësi të tij qytetarin, të lehtësojë jetën, vende pune dhe taksa të ulëta, që qytetarët të jetojnë dhe punojnë në vendin e tyre. Prej muajsh ky plan është detajuar, sikundër reformat dhe hapat që do të ndërmerren ditë pas dite në 100 ditëshin e parë që të bëhet e mundur që në krye të katër viteve të dalim me një plan pune të realizuar dhe jo me premtime boshe që janë epitafi i qeverisjes së dështuar, të qytetarit të dështuar nga ky plan. Me këtë plan fitojnë shqiptarët, rinia, pensionistët, shtresa e mesme, profesionistët dhe mësuesit e pedagogët, e personeli mjekësor, fiton Shqipëria. Vetëm njëri nuk fiton, me këtë plan humb Edi Rama. Ky është shkaku që do të vazhdojë të humbasë orë të tëra të programacionit tuaj me sulme të lodhura ndaj meje. Po ja them sot dhe ta kuptojë nervozimin; koha jote ka mbaruar. Në 25 prill Edi Rama do të humb dhe Shqipëria do të fitojë!” tha Lulzim Basha duke i renditur edhe dështimet që Edi Rama i pranoi:

“Në krahun tim kam dy nga ekspertët që kanë punuar dhe drejtuar punën e programit në tërësi dhe ekipit në veçanti. Ka dhe diçka tjetër, pas gjithë bajatësirave dhe sulmeve që i bën ai dhe ata që nxjerr për të sulmuar fsheh diku ndonjë premtim. Kur dolëm ne me rrogën minimale, sulm, sharje, fyerje, gajasje bajate dhe doli e tha; do e bëj unë. Ne e kemi planin se si do të shkojë rritja e rrogave që kalon përmes një procesi. Po se kuptoj në 8 vite se di kur do e kuptojë? Në pension. S’ka nevojë për subvencion Edi Rama. Pak si vonë është. 8 vite kishte kohë për të mbajtur premtimet që beri. Si mbajti dhe shikon programin tonë dhe pastaj nis e hap thesin e premton se do të bëjë në 3 muaj ato që s’ka bërë në 8 vite. Pas të gjitha fjalëve, tha se; taksa progresive ka dështuar. Sa vite kemi që e themi ne?! Taksa jote largoi të rinjtë nga Shqipëria, është një nga arsyet kryesore të dështimeve të Ramës. Po në lodhjen dhe dëshpërimin që e ka kapërcyer, e fshehu në ato sulme të bojatisura të sotme. Dua t’ja theksoj unë se të paktën tani në ikje fillon dhe i pranon disa nga dështimet e vet. Varfëroi shqiptarët pasuroi oligarkët. Ndaj kjo është arsyeja se me taksën 9% fiton Shqipëria dhe humbet dështimi.”

Kryeministrit Edi Rama e cilësoi Programin Ekonomik të PD “pa bosht dhe shtyllë kurrizore” ndërsa Basha tha se këtë e thotë një njeri që nuk ka mbajtur asnjë premtim ndaj edhe sulmon.

“Nga e thanë? Nga e Nusreti?! Se ma thënë se ishte prapë në Dubai. S’merrem me njerëz të dështuar, se kanë 8 vite që dështojnë. Ky është Rama dhe Arben Ahmetaj me kryesori që i sollën Shqipërisë taksa të larta. 8 vite këta kishin gjithçka në dorë, njëri kryeministër, e tjetri ministër Financash de-juro, ata punuan për një grup njerëzish dhe grabitën shqiptarët. Këta janë arsye se pse largohen qytetarët, se pse kanë më pak para në xhepat e tyre shqiptarët. Këta janë arsyet se pse varfëria ekstreme është dyfishuar. Këta janë arsyeja se pse kostoja e jetesës është rritur 40 %. Më thoni një premtim që është mbajtur në këto 8 vite. Se kam retorikë, më thoni një prej jush një premtim. Kur s’ka asnjë bilanc ça pret ti të bëjë?! Të shajë e të denigrojë. Ai planin tonë të punës e sulmon e më pas e kopjon. Është kopjac i keq, se nuk e kupton ndaj,” tha Kryetari i PD duke shtuar se sulmet ndaj tij kanë ardhur pas prezantimit të planin ekonomik.

“Pasi është plan konkret pune dhe i jep zgjidhej problemeve të shkaktuara nga Edi Rama. Ça pritet që ai të thotë? Bilanci zero. S’ka program, do më sulmojë mua, ekipin tim dhe planin e punës dhe do të bëjë diversion. Ai është i mbaruar. Në 25 prill është i paketuar, në 25 prill Shqipëria fiton, Edi Rama fiton.”

Duke siguruar se taksat do të ulen, lideri i opozitëse tha se kurrë më pushteti nuk do jetë në duart e një njeriu, pasi më 25 prill fiton koalicioni PD-LSI.

“Taksat me programin tonë do ulen./ Ulja e taksave nxit ekonominë, nxit konsumin dhe përmirëson gjendjen e qytetarëve. me taksa më të ulëta, qytetarët do kenë më shumë para, biznesi do kenë më shumë para. Do shkohet tek paga minimale 36 mijë lekë ose 300 euro, me masat që do marrim. Sot ekonomia ka ngrirë. Më 25 prill, Shqipëria do të fitojë, sepse konkurrenca do të funksionojë. Taksa progresive e Ramës ishte shkatërrimtare për vendin. Plani ynë ekonomik është serioz dhe konkret. Koalicioni i 25 prillit garanton demokracinë. Koalicioni ynë fiton zgjedhjet me shumicë dërrmuese.”

Edhe Kryetari i Partisë Demokratike, Lulzim Basha, u pyet për deklaratën e Ambasadores së SHBA, Yuri Kim që të largojnë kriminelët nga listat zgjedhore, por Basha e tha qartë se ishte Edi Rama ai që ka promovuar banditët në politikë.

“Është turp i madh që Rama lan duart si ponç pilati. Ai solli kriminelët në politikë, kush vuri interesat e tyre personalë mbi interesat e shqiptarëve. Vetëm Rama humb më 25 prill dhe shqiptarët fitojnë në zgjedhje. Akuzat e Ramës janë grahmat e fundit në ikje. Ka dështuar në 8 vjet dhe ka vetëm një fajtor, më 25 prill humb Rama, fiton Shqipëria.”