Arrestohet nëna shqiptare e 3 fëmijëve që rekrutonte luftëtarë të ISIS. Ja emri…

Arrestohet nëna e 3 fëmijëve, Lubjana Gjeçaj, 43 vjeçe, banuese në Tiranë dhe ishte shpallur në kërkim ndërkombëtar nga Italia. Arrestimi u krye në saje të bashkëpunimit dhe shkëmbimit të informacionit mes Drejtorisë së Antiterrorit, Interpol Tiranës dhe agjencive ligjzbatuese në Itali dhe informacioneve në rrugë operative.

Mësohet se Gjeçaj gjatë kohës sa ishte emigrante në Itali, ishte pjesë e një grupi radikal terrorist.  43-vjeçarja akuzohet se ka qenë pjesë e grupit terrorist në Itali që rekrutonte luftëtarë për shtetin islamik të ISIS-it, që u shkatërrua nga policia italiane gjatë operacionit ‘Martesa’ në korrik të vitit 2015. Operacioni në fjalë u shtri në disa qytete të Italisë por dhe në Lushnjë, ku u arrestuan 10 persona, nga të cilët 4 italianë, 5 shqiptarë dhe 1 kanadez. Kujtojmë se pjesë e këtij grupi kriminal janë; Baki Çoku, Dritan Gjeçaj, Aldo Kobuzi, Arta Kakabuni dhe Lubjana Gjeçaj. Sipas hetimeve të kryera rezultonte se ky grup kryente martesa mes të rinjve dhe i dërgonte ata në Turqi, dhe më pas në Siri për të luftuar për Shtetin Islamik.

 Imazhin e gruas që ishte pjesë e grupit kriminal, që rekrutonte ushtarë të ISIS dhe jetonte si e papunë në zonën e Unazë së Madhe në Tiranë me fëmijët e saj të mitur,e sjellë BW.

Mësohet se grupi terrorist në fjalë, gjente të rinj dhe i martonte ata në Turqi, e më pas i dërgonte ushtarë pranë ISIS. Gjykata e Hetimeve Paraprake Milano, Itali, e ka dënuar shtetasen shqiptare Lubjana Gjeçaj me 3 vjet burg, për veprën penale ”Organizatë me qëllime Terroriste”. Tani pritet ekstradimi i 43-vjeçares drejt Italisë.