Asambleja e ngjalave, Edi Rama në kërkim të një hajduti si Lali Eri
Sot në orën 10:00, në një resort turistik jo pa qëllim në Gjirin e Lalzit, Edi Rama mbledh Asamblenë Kombëtare të Partisë Socialiste, pasi ashtu si në vitin 2013 të gjitha i ka rreth vetes, si qelbësirat ashtu dhe krimin, por jo edhe votat për të fituar zgjedhjet lokale të 9 Majit 2027.
Dhe, derisa mediat u kapën në Grepin e Ramës për të folur për ngjalat, Gjirin e Lalëzit, pronësinë e resortit dhe Monat e mundshme kuzhiniere të ngjalave, padyshim, problemi i vetëm i Edi Ramës ngelet, kush do të jetë hajduti që do ti siguroj fitoren në Tiranë pa e konsideruar problem përzgjedhjen e 45 bashkive tjera.
Meqë model si Lali Eri të cilin e krijoi vetë nuk ka, Edi Rama sot nga Gjiri Lalëzi mund të flas për mobilizim, patronazhistë dhe gjithë shpurrën kriminale që e llogaritë për fitore, por jo edhe për Liken që e ka në burg, as për Monën kuzhiniere të ngjalave, e largqoftë Vuçiçin që sot po kërkon vrimën e miut të fshihet nga studentët, ndërsa jo pak punë i ka prishur edhe Lali Eri i cili me disa selame të forta nga burgu e akuzon krijuesin e tij edhe si fajtorin kryesor në të cilin ndodhet Partia Socaliste dhe Shqipëria ndërsa kërkon dhe shkarkimin e tij.
“Kërkoj që të ndërmerren veprimet e nevojshme për aktivizimin e procedurës statutore të mocionit të mosbesimit ndaj kryetarit të Partisë Socialiste, në përputhje Statutin dhe me rregullat përkatëse të zbatimit të tij. Kërkoj që organet përgjegjëse të bëjnë të njohur procedurën, afatet dhe mënyrën e ushtrimit të kësaj të drejte, në mënyrë që anëtarët e Partisë Socialiste të kenë mundësi të shprehen sipas Statutit,” thekson ErionVeliaj përmes një letre nga burgu duke e konsideruar Edi Ramën edhe si pengesë për reformimin e PS.
“Edi Rama ka qenë një reformator i rëndësishëm i Partisë Socialiste. Por unë besoj se sot ai është kthyer në pengesën kryesore për reformimin e saj. Nuk mund të presim që një sistem i përqendruar te vullneti i një individi të korrigjohet vetëm nga vullneti i po atij individi. Nuk mund të kërkojmë demokraci të brendshme nga një model që e ka dobësuar atë; meritokraci nga një mënyrë drejtimi që ka favorizuar besnikërinë personale; apo institucione të pavarura nga një praktikë që e ka përqendruar vendimmarrjen”, thotë Erion Veliaj nën pranga i akuzuar për abuzim me fonde publike por pa mohimin që ti jep leksion edhe atyre jahdutëve që vazhdojnë të jenë të, madje aktiv dhe në Asamblenë e PS duke përfunduar:
“Historia e Partisë Socialiste është më e gjatë se mandati i çdo kryetari. E ardhmja e saj nuk mund të mbështetet te paprekshmëria e askujt. Nëse duam që institucionet e Shqipërisë të jenë më të forta se njerëzit që i drejtojnë, duhet të fillojmë duke zbatuar të njëjtin parim brenda partisë sonë. Prova e vërtetë e një drejtuesi nuk është sa gjatë arrin ta mbajë pushtetin, por çfarë institucionesh lë pas, për shtetin dhe njerzit e tij.”
Nëse kësaj i shtojmë dhe protestat e studentëve si vështirrësia jo e vogël e Kreyeministrit dhe PS-së, Edi Rama larg aleancës me këta protestues, pak rëndësi ka nëse sot i jep besimin Ogerta Manastirliut ose Erion Braçes për Kryetar të Bashkisë Tiranë sepse hajdut si Lai Eri nuk gjenë dot, dhe kjo e vë në pikëpyetje fitoren e Partisë Socialiste në zgjedhjet lokale të 9 Majit 2027, pasi zgjedhjet e fundit dëshmuan se mileti komunist urren intelektualët dhe ashtu si paraardhësit e tyre që nga viti 1945, kishte dhe ka besim vetëm në HAJDUT!
