Asambleja Kombëtare e PS në Gjirin e Lalzit, Edi Rama kthehet në vendin e krimit

Erion Veliaj nuk do të jetë më drejtues politik në Tiranë, kjo detyrë kriminale iu besua Ervin Demos dhe Albana Koçiut, ndërsa Elisa Spiropali dhe Plarent Ndreca nuk do të jenë më pjesë e Asamblesë Kombëtare e Partisë Socialiste. Ky ishte i gjithë sikleti që kishte Edi Rama dhe arsyeja pse mblodhi Asamblenë Kombëtare të Partisë Socialiste në Gjirin e Lalzit ndërsa kurseu Lali Erin nga ndonjë ndëshkim sepse e arsyetoi me “duart e lidhura”, shterpësi kjo politike e Ramës që u pa dhe nga fjalimi i tij me klithje përreth Traktatit për antëtarsimin e Shqipërisë që ka propozuar KE, për të cilën “arritje” gjithë meritat ia dha Kryeministrit të Taos dhe Zegjinesë, Edi Rama.

Nuk dihet pse u lodh në fjalimin e tij të thotë se kërkesat për dorëheqjen e tij janë thjesht një iluzion, kur të gjithë e dinë mendimin e tij, ndërsa për protestuesit tha ashtu sikur se vëllai i tij Aleksandar Vuçiç para ikjes, se kishin dorë të huajt.

Edi Rama e nisi fjalimin e tij duke komentuar situatën politike në vend, protestat dhe raportin e fundit të Komisionit Evropian për zgjerimin.

“Ka momente në jetën e një vendi kur politika duhet të ngrihet mbi valët e zhurmave të ditës dhe duhet të shohë përtej tyumit të përplasjes së radhës. Kush udhëheq, siç është rasti ynë i PS, duhet të kuptojë se ku ndodhet vendi atëherë kur zhurma dhe tymi ngrihen më lart sesa zakonisht. Duhet të kuptoje se cfarë është e rëndësishme në ato që janë arritur, cfarë rrezikon të humbasë vendi nën presionin e zhurmës dhe pengesën e tymit dhe si duhet ushtruar përgjegjësia e drejtimit pa e humbur kthjelltësinë e shikimit.

Ky është ekzaktësisht një moment i tillë. Në raportin më të fundit për zgjerimin KE ka shkruar një frazë, me cila nuk ka zënë vend se se ska sesi zë vend asgjë që ka një rëndësi domethënës për ecurinë e vendit në kushtet kur vendi po jeton një presion të brendshëm përmes instrumentalizimit politik të një protestë të nisura për arsye të tjera dhe të degraduara në një ofensive dhune kundër qeverisë në dukej, por në fakt kundër mënyrës sesi ne duam që Shqipëria të shkojë përpara,” tha Edi Rama me një ton thuase po i bërtet Blendi Gonxhes si zakonisht ndonëse u mburr se Komisioni Evropian i ka rekomanduar Këshillit të Evropës që gjatë vitit 2027 të nisë përgatitjet për hartimin e Traktatit të anëtarësimit të Shqipërisë në Bashkimin Evropian, dhe, sipas tij, e gjitha kjo ishte vetëm fal tij.

“Komisioni Evropian ka bërë një rekomandim historik për Shqipërinë që është edhe konfirmimi më kuptimplot, më i padiskutueshëm që vendi jo vetëm ecën në drejtimin e duhur, por edhe i ndodhjes së Shqipërisë në pikën më të lartë, drejt ngjitjes në majën të familjes së BE.

I rekomandohet Këshillit Evropian të nisë gjatë 2027 përgatitjet për të hartuar traktatin e anëtarësimit të Shqipërisë në BE. Është një togfjalësh që shfaqet për herë të parë traktati i anëtarësimit të Shqipërisë në BE. Faqja e fundit e historisë që po e shkruajmë ne, PS, me besimin e shumicës së shqiptarëve,” tha Kryetari i PS duke theksuar se pavarësisht protestave, molotovëve dhe akteve të dhunës, mazhoranca nuk e ka thënë ende fjalën e saj dhe se tashmë është koha që socialistët të komunikojnë drejtpërdrejt me qytetarët në të gjithë vendin.

“Kanë folur, i kanë thënë të tëra, i kanë shkulur të gjitha gurët e bulevardit, i kanë hedhur molotovët. Por fjala jonë nuk është thënë akoma. Tani është koha të flasim ne. Të flasim në cdo lagje dhe në cdo fshat, të flasim me cdo shqiptar që nuk i friket dialogut, që do debatin dhe që nuk e ka harruar akoma atë që duan ta bëjnë ta harrojmë.

Duan të na bëjnë të harrojmë që baza bashkëjetesës është liria për të folur, por edhe edhe e drejta për të dëgjuar. Një mandat si ky është një mision i ngarkuar nga një popull i tërë dhe nuk zhbëhet dot nga askush ky,” tha Kryeministri duke harruar postualtin e tij të urrejtjes që nga dita e parë që shkeli në politikë “Ne dhe Ata”, dhe sot sheh që është krijuar një klimë toksike, duke shmangur autorësinë ndërsa kërkon nga socialistët komunikim të drejtpërdrejtë me qytetarët, prezantim të fakteve dhe dëgjimit të shqetësimeve të tyre.

“Aty në atë protestë kishte nga të gjitha, pjesa më e rëndësishme për mua ishte mijëra qytetarë që i kishte sjellë pritshmëria më e lartë për gjerat që i shqetësojnë,. Por që sorrat dhe korbat ishin pjese aty kjo, besoj është e qartë. Që duart e huaja ishin aty është po kaq e qartë. Nuk ka qenë as përqeshje dhe as anatemim. Iluzioni i largimit tim me dhunë, se ata nuk e kanë me mua, ata e kanë me ju, me PS. Unë jam thjesht pengesa më e madhe me manipulimi i madh që e shoqëruan atë iluzion kanë krijuar një shtresë toksike që ne duhet ta purifikojmë në territor me fjalën tonë, me faktet tona dhe me angazhimin tonë për të dëgjuar njerëzit,” tha Edi Rama ndërsa akuzat për dhunë policore gjatë protestave i cilësoi Legjendë Urbane.

“Dhuna policore, një legjende urbane e jashtëzakonshme. Ndërkohë që mbetemi i vetmi vend me një raport të përmbysur të të lënduarve. Në Dublin para dy ditësh u prita atje me agjitim të madh. Ishin në trotuarin tjetër, rruga ishte bosh. Ata rrinin në trotuar.”

Në fund, nga sa u tha në Asammblenë Kombëtare të PS dhe përreth saj, kjo nuk ishte as A-në nga Asambleja, por, thjeshtë një kthim në vendin e krimit, Gjirin e Lazit. aty ku me ndihmën e Kryetarit të LSI, Ilir Meta, u ulë në fronin e Kryeministrit për ta shkatërruar Shqipërinë në mënyrën më makabre të mundshme, dhe e vjedhi me shpurën e hajdutëve komunistë në nivelin që asnjëri nga pushtetuesve nuk arriti ta bëjë!