“Avionë luftarakë për Ukrainën”, Macron: Nuk e përjashtoj!

Presidenti i Francës, Emmanuel Macron, tha se nuk e përjashton mundësinë e dërgimit të avionëve luftarakë në Ukrainë ndërkohë Presidenti ukrainas Volodymyr Zelenskyy ka kohë që kërkon nga aleatët që ti dërgojnë avionë luftarakë, shkruan e përditshmja britanike The Guardian.

“Çfarëdo lloj dërgese e avionëve luftarakë është një proces i gjatë, i cili përfshinë dhe periudhën e duhur për trajnimin e pilotëve ukrainas. Në javët dhe muajt në vijimi, Ukrainës i duhet ndihmë urgjente. Prioritet është tjetër lloj armatimi,” tha Macron duke mos përjashtuar asgjë.

“Nuk përjashtoi asgjë, por kjo nuk i përgjigjet kërkesave aktuale. E rëndësishme është që aleatët ti japin përparësi dërgimit të pajisjeve më të domosdoshme,” tha Macron duke marrë si shembull topat Caesar dhe sistemin mbrojtës antirakator tokë-ajr, Mamba, që e ka dërguar Franca.

Pas Samitit të liderëve të BE dje në Bruxelles Zelenskyy u shpreh dje:

“Europa do jetë me ne deri në fitoren tonë. Kam dëgjuar nga liderë të shumtë europian, jemi të gatshëm të dërgojmë gjithë armatimin e duhur dhe mbështetjen, duke përfshirë dhe avionë!”

Ndryshe, furnizimi i Ukrainës me avionë luftarakë ishte njëra ndër lëvizjet më të mëdha deri më tani si mbështetje nga Perëndimi, e Moska ka tërhequr vërejtjen se kjo do të përshkallëzonte dhe zgjaste konfliktin.