Bandat shqiptare po kontrollojnë tregun e kokainës

Gangsterët shqiptarë që kontrollojnë tregtinë e kokainës së pastër  kanë rritur praninë e tyre në Britani me rreth 60 përqind në tre vitet e fundit, duke ushqyer një rritje të krimit të dhunshëm.

The Times në një artikull shkruan se dhuna e bandës është përhapur gjithnjë e më shumë nga qytetet në qytetet bregdetare dhe fshatrat rurale në përputhje me një rritje të sasisë së kokainës të sjellë nga mafia shqiptare nëpërmjet lidhjeve me kartelet e Amerikës Latine.

Ritmi, me të cilin banda shqiptare ka arritur kontrollin e kontrabandës me shumicë të kokainës dhe shpërndarjen në Britani është paraqitur në shifra nga Agjencia Kombëtare e Krimit.

Po ashtu një tjetër alarm që është ngritur nga kjo media është dhe kontrolli i madh që po marrin bandat shqiptare në Brtiani dhe se kanë në dorë dhe kontrollojnë të gjithë kokainën.