Basha me Aleatët, protesta deri në dorëheqjen e Fatmir Xhafës

Protesta deri në dorëheqjen e Fatmir Xhafës. Ky mesohet nga burimet se është vendimi i takimit të Kryetarit të Partisë Demokratike, Lulzim Basha me Aleatët, pas situatës së krijuar me publikimin e dëshmive për vëllain e ministrit të Brendshëm, Fatmir Xhafaj.

Gjithashtu është  vendosur që të pengohen punimet e Komisioneve në Kuvend dhe të bllokohet zhvillimi i seancës plenare të enjten.

Ndryshe, dje në mbledhjen e Grupit të PD u vendos që demokratët ti kthehen pjesmarrjes në Komisionet  parlamentare për të denoncuar ministrin e Brendshëm Fatmir Xhafaj dhe për të bërë të qartë se nuk do të ketë normalitet në qoftëse deri të enjten nuk ka reagim nga ana e mazhorancës.

Ndërkohë sot Prokuroria ishte në zyrat e selisë blu, ku oficerët gjyqësorë morën audio-përgjimin e publikuar nga PD një ditë më parë, në të cilin pretendonte se vëllai i Xhafaj vazhdon të drejtojë një linjë të trafikut të drogës.