Bashkë në grevë/Asambleja e Pedagogëve: Ja vendimi…

Pas një mbledhjeje që nisi në orët e paradites, Asambleja e Pedagogëve ka dalë me një vendim me 6 Pika, që vijnë si rikonfirmim i kërkesave të bëra që më herët.

“U bëjmë thirrje të gjitha Asambleve që të mbajnë një qëndrim për Ligjin e Arsimit të Lartë, dhe u kërkojmë që të bashkohen me vendimin e Asambleve që janë për grevë,” thekson Asambleja e pedagogëve e cila kërkon ngritjen e një grupi pune për ligjin e Arsimit të Lartë I cili do të bënte një dokument me oponencë për ligjin, dhe për të cilin do të zhvillohej një debat edhe me Komisionin e Edukimit dhe të Mediave pranë Parlamentit të Shqipërisë.

Vendimet

1.Rikonfirmimi i kërkesave të bëra më herët

2.U bëjmë thirrje të gjitha Asambleve që të mbajnë një qëndrim për Ligjin e arsimit të lartë, dhe u kërkojmë që të bashkohen me vendimin e Asambleve që janë për grevë.

3.I kërkojmë të gjitha autoriteteve të mbajnë qëndrim konseguent për Ligjin e Arsimit të lartë në përputhje me vendimet e asambleve (Senatit, Rektorit)

4.Ftojmë trupën akademike që te kontribuojnë dhe të kenë një angazhim sindikalist.

5.Ngritja e një grupi pune për ligjin e Arsimit të Lartë (që të diskutohen gabimet dhe si mund të bëhen) Grupi i punës të bëjë një dokument me oponencë për Ligjin. 6.Kërkojmë debat me komisionin e Edukimit dhe të Mediave për ligjin e Arsimit të Lartë.